2020-08-13 15:23:49, 1072 ნახვა
სამართალი
გიორგი შაქარაშვილის განზრახ მკვლელობის საქმეზე დაკავებული 5 პირის სასამართლო სხდომა დღეს გაიმართება
გიორგი შაქარაშვილის განზრახ მკვლელობის საქმეზე პირველი სასამართლო სხდომა ჩაინიშნა.
პროცესი მცხეთის საქალაქო სასამართლოში 16:00 საათზე გაიმართება.
სასამართლო სხდომაზე საქმის არსებითი განხილვის დაწყების თარიღი გაირკვევა.
შეგახსენებთ, რომ გიორგი შაქარაშვილის საქმეზე დაკავებულია 17 პირი. „ტოიოტა ქემრის“ 5 მგზავრს ბრალი დაუმძიმდა. პარალელურად, გუშინ პროკურატურამ ბრალდებულების უფლებადამცველები მასალების გამჟღავნების შესახებ გააფრთხილა. მორაგბის, არჩილ გაგნიძის ადვოკატებმა შესაბამის ხელწერილზე ხელის მოწერაზე უარი განაცხადეს, რის გამოც ისინი საქმეს ჩამოაშორეს და მორაგბეს საზოგადოებრივი ადვოკატი დაუნიშნეს.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
