2020-08-12 11:30:08, 2350 ნახვა

---

ეკატერინე ტიკარაძე: აღარ ვატარებთ ნიღაბს, არ ვიცავთ დისტანციას - შესაძლოა ამან სექტემბერში სწავლის დაწყების რისკი შექმნას

ჯანდაცვის მინისტრი ეკატერინე ტიკარაძე აცხადებს, რომ ამ ეტაპისთვის, სწავლის დაწყებასთან დაკავშირებით ცვლილებები არ იგეგმება.

მისივე განცხადებით, იმ შემთხვევაში თუ მოქალაქეები არ დაიცავენ სოციალურ დისტანციას და არ ატარებენ ნიღბებს, შესაძლოა სექტემბერში სწავლის დაწყების რისკი შეიქმნას.

„ამ ეტაპისთვის, სწავლასთან დაკავშირებით ცვლილებებს არ ვგეგმავ, მაგრამ მოქალაქეებს, რომლებიც ელოდებიან რომ მათი შვილები წავლენ სკოლაში, მათთვის ეს არის ძალიან მტკივნეული და მნიშვნელოვანი საკითხი, პირველ რიგში მნიშვნელოვანია, რომ გაითვალისწინოთ, ეს ყველაფერი დამოკიდებულია ჩვენს ქცევაზე და დღეს, ჩვენ აღარ ვატარებთ ნიღაბს, არ ვიცავთ სოციალურ დისტანციას და ეს, რა თქმა უნდა მიგვიყვანს იქამდე, რომ შეიძლება სექტემბერში სწავლის დაწყების რისკი შეიქმნას. სწორედ ამიტომ, სრული მობილიზაცია არის მნიშვნელოვანი, რომ ჩვენმა ბავშვებმა მიიღონ უსაფრთხო სკოლებში განათლება“, - განაცხადა ჯანდაცვის მინისტრმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი