შაქარაშვილის საქმეზე დაკავებული ერთ-ერთი არასრულწლოვნის ადვოკატი - მოვითხოვთ, ჩემი დაცვის ქვეშ მყოფზე სისხლის სამართლის საქმე შეწყდეს

2020-08-05 11:51:59, 3049 ნახვა

სამართალი

შაქარაშვილის საქმეზე დაკავებული ერთ-ერთი არასრულწლოვნის ნ.ც.-ს ადვოკატი, არჩილ ბერიანიძე მოითხოვს, რომ მისი დაცვის ქვეშ მყოფზე სისხლის სამართლის საქმე შეწყდეს.

ბერიანიძის თქმით, იმის შესახებ, თუ რატომ უნდა იყოს სასამართლოს მიერ დაცვის მხარის მტკიცებულებები დასაშვები, წინა სასამართლო სხდომაზე მათ უკვე განაცხადეს.

„ჩვენი შუამდგომლობები მტკიცებულებებთან დაკავშირებით დაყენებული გვაქვს სასამართლოში. შესაბამისად, ჩვენი არგუმენტაცია, თუ რატომ უნდა იყოს სასამართლოს მიერ დაცვის მხარის მტკიცებულებები დასაშვები, ეს უკვე განვაცხადეთ წინა სასამართლო სხდომაზე. ჩვენს პოზიციას ზურგს უმაგრებს მთელი სისხლის სამართლის საქმე და მასში არსებული მტკიცებულებები, რომელზე დაყრდობითაც, რა თქმა უნდა, პატიმრობაში არ უნდა დარჩენილიყო არასრულწლოვანი ნ.ც. ჩვენ მოვითხოვთ შეწყდეს მოცემული სისხლის სამართლის საქმე და არ გადაეცეს სასამართლოს არსებითად განსახილველად“, - განაცხადა ადვოკატმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან