2020-06-25 22:16:58, 1703 ნახვა

---

ჩუგოშვილი ტურავას დანიშვნაზე - თუ საკონსტიტუციო სასამართლოს გადაწყვეტილებებიც კითხვის ნიშნის ქვეშ აღმოჩნდა, უნდა ითქვას, რომ ინსტიტუტები არ გვივარგა

თუ საკონსტიტუციო სასამართლოს გადაწყვეტილებებიც კითხვის ნიშნის ქვეშ აღმოჩნდა, უნდა ითქვას, რომ ინსტიტუტები არ გვივარგა , -  ამის შესახებ ტელეკომპანია „ფორმულას“ ეთერში პარლამენტის წევრმა თამარ ჩუგოშვილმა განაცხადა.

მან ასევე აღნიშნა, რომ კრიტიკა საკონსტიტუციო სასამართლოს გარდა ქვეყნის შიგნით და გარეთაც ბევრი იყო.

„კრიტიკა რაც გვქონდა ქვეყნის შიგნით და ქვეყნის გარეთ, ეს საკონსტიტუციო სასამართლოს უკვე წლებია არ ეხებოდა, ეს ეხებოდა საერთო სასამართლოებს, იუსტიციის საბჭოს. საკონსტიტუციო სასამართლო საკმაოდ დამოუკიდებლად ფუნქციონირებდა, საკმაოდ სერიოზული გადაწყვეტილებები აქვს მიღებული, საკმაოდ რთულ თემებზე აქვთ ასეთი პოზიციები დაფიქსირებული. ამ არჩევნებმა და ბოლო დანიშვნამ პლენუმის მხრიდან, ის დანიშვნა იყო აბსოლუტურად გაუმჭირვალე და პრობლემური. იმ დანიშვნამ სასამართლოში კონფიგურაცია გადაალაგა. თუ საკონსტიტუციო სასამართლოც იმოქმედებს იმდაგვარად, რომ მისი გადაწყვეტილებებიც კითხვის ნიშნის ქვეშ აღმოჩნდება, ეს მისთვის დამაზიანებელი იქნება. დამაზიანებელი იქნება ქვეყნის იმიჯისთვის. იმიჯზე მეტად იმაზე მეტად უნდა ვიდარდოთ, რომ ინსტიტუტები არ გვივარგა“, - განაცხადა ჩუგოშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი