გერმანიის ფედერალურმა პროკურატურამ ბრალი წარუდგინა ყოფილი ჩეჩენი საველე მეთაურის, 2019 წლის 23 აგვისტოს ბერლინის ცენტრში მოკლული საქართველოს მოქალაქე ზელიმხან ხანგოშვილის მკვლელობაში ეჭვმიტანილს. ამის შესახებ ინფორმაცია გერმანიის ფედერალური პროკურატურის ვებ-გვერდზეა განთავსებული.

უწყების ვებ-გვერდზე განთავსებულ ინფორმაციაში საუბარია ხანგოშვილის ურთიერთობაზე რუსეთისა და საქართველოს ხელისუფლებასთან და საქართველოს მთავრობა პრორუსულად არის მოხსენიებული.

„დაკვეთილი მკვლელობის უკან იდგა მსხვერპლის წინააღდმეგობა რუსეთის ხელისუფლების, ჩეჩნეთისა და ინგუშეთის ავტონომიური რესპუბლიკების, ასევე, საქართველოს პრორუსული მთავრობის მიმართ“, - წერია განცხადებაში.

ცნობისთვის, ზელიმხან ხანგოშვილი 2019 წლის აგვისტოში, ბერლინში მოკლეს. მკვლელობაში ბრალდებულს რუსული პასპორტი აღმოაჩნდა. გერმანიის პროკურატურის ოფიციალური დასკვნით, ზელიმხან ხანგოშვილი რუსეთის ხელისუფლების დაკვეთით მოკლეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს