აჭარის ტურიზმის დეპარტამენტი ბათუმისა და ქობულეთის თემატური ტურების სახელმძღვანელოებზე მუშაობას იწყებს.

წიგნები, რომელიც გიდების ინიციატივითა და რეკომენდაციით იქმნება, ბათუმსა და ქობულეთში სხვადასხვა თემატურ ტურებს გააერთიანებს. სახელმძღვანელოებში თავმოყრილი იქნება ორივე ქალაქში არსებული და ახალი,  საინტერესო თემატიკის  ტურები თავისი რუკებით, მარშრუტზე არსებული ტურისტული ღირსშესანიშნაობების ფოტოებითა და ინფორმაციებით.

პროექტის ფარგლებში ასევე, იგეგმება ქალაქის ტურების განიშნულიანება და ტურში შემავალ ობიექტებზე საინფორმაციო დაფების განთავსება.

„მნიშვნელოვანია, რომ გიდებს მათთვის საჭირო და საინტერესო პრაქტიკული ინფორმაციები ახალი სახელმძღვანელობისა თუ ტრენინგების სახით მივაწოდოთ. წიგნი, რომელზეც მუშაობას ვიწყებთ გიდების ინიციატივით მზადდება. მათი სურვილია შემუშავდეს ქალაქის სხვადასხვა თემატიკის და ხანგრძლივობის მზა ტურები. პროექტი საშუალებს მოგვცემს გავამრავალფეროვნოთ ქალაქ ბათუმის და ქობულეთის თემატური ტურების შეთავაზების პაკეტები,  ქალაქის სტანდარტულ ტურებთან ერთად შევქმნათ კულტურული, ისტორიული, ძველი ბათუმის, ბულვარის, ცნობილი ადამიანების ან მუზეუმების ტურები და  სხვადასხვა ხანგრძლივობის მარშრუტები. სახელმძღვანელოს შემუშავების მთავარი მიზანია დამუშავდეს და ერთ სივრცეში განთავსდეს გადამოწმებული, შეჯერებული და ტურისტულად მნიშვნელოვანი  ინფორმაციები ბათუმისა თუ ქობულეთის ქალაქის ტურების შესახებ.  პროქტში აქტიურად იქნებიან ჩართულები მოქმედი გიდები და თემატიკების მიხედვით დარგის პროფესიონალები, “განაცხადა აჭარის ტურიზმის დეპარტამენტის თავმჯდომარე თინათინ ზოიძემ.  

აჭარის ტურიზმის დეპარტამენტმა გიდების კვალიფიკაციის ამაღლების მიზნით  ორი პრაქტიკული სახელმძღვანელო უკვე მოამზადა. წიგნები „გიდის პროფესია“ და „ღვინის მეგზური“ დამწყებ გიდებს პროფესიის უკეთ დაუფლებაში, ახალი სტანდარტების გაცნობასა და ღვინის ტურიზმის მიმართულებით პრაქტიკულ-თეორიული ცოდნის შეძენაში ეხმარება.

ავტორი: ექსპრესნიუსი,

სოციალური ქსელები

რუსეთის მართლმადიდებლურ ეკლესიაში მკვეთრად შეამცირდა იმ რუსების რიცხვი, რომლებიც საკუთარ თავს მართლმადიდებლებს უწოდებენ

გერმანიის შეიარაღებული ძალების მეთაური: რუსეთმა შესაძლოა ნატოს 2029 წელს შეუტიოს

ჰელსინკის აეროპორტის ფუნქციონირება დრონის გამო შეჩერდა

საუდის არაბეთმა ირანსა და ახლო აღმოსავლეთის ქვეყნებს შორის თავდაუსხმელობის შესახებ პაქტის გაფორმების წინადადება წამოაყენა - Financial Times