2020-06-12 13:03:15, 2300 ნახვა
პოლიტიკა
არჩილ თალაკვაძის განცხადებით, საკონსტიტუციო ცვლილებების პარლამენტში განხილვა 18 ივნისიდან დაიწყება
18 ივნისს იწურება ერთთვიანი ვადა, რაც გამოყოფილია საკონსტიტუციო ცვლილების საჯარო განხილვებისთვის, - ამის შესახებ პარლამენტის თავმჯდომარემ, არჩილ თალაკვაძემ ბიუროს დღევანდელ სხდომაზე განაცხდა.
როგორც მან აღნიშნა, ხვალ, 13 ივნისს საკონსტიტუციო ცვლილებების მეორე საჯარო განხილვა გაიმართება.
„ეს იქნება მეორე საჯარო განხილვა და ამის შემდეგ უკვე 18 ივნისს იწურება ერთთვიანი ვადა, რაც გამოყოფილია საკონსტიტუციო ცვლილების საჯარო განხილვებისთვის. 18 ივნისიდან უკვე პარლამენტი გადადის ამ ცვლილებების განხილვის პროცესში, რაც ნიშნავს, რომ ივნისშივე შევძლებთ ამ ცვლილებების კენჭისყრას და შეთანხმებული საარჩევნო სისტემის მიღებას უკვე საკანონმდებლო დონეზე“, - განაცხადა არჩილ თალაკვაძემ.
ავტორი: ექსპრესნიუსი,
epn.ge (@expressnews.ge)
