დაავადებათა ეროვნული ცენტრის ხელმძღვანელმა ამირან გამყრელიძემ განაცხადა, რომ მომავალი სამი კვირა იქნება კრიტიკული.

მანვე განმარტა, რომ სხვადასხვა ქვეყნის გამოცდილებამ აჩვენა, რომ შიდა გავრცელებიდან მეექვსე და მერვე კვირები არის კრიტიკული.

საქართველო ამ ეტაპზე შიდა გავრცელებიდან მეეხუთე კვირას ითვლის, ამიტომ მომავალი სამი კვირის განმავლობაში შესაძლოა ინფიცირების შემთხვევების ზრდა დაფიქსირდეს.

„ჩვენი ეპიდემიის გავრცელების მრუდი ჯერჯერობით გახლავთ გლუვი. წინა კვირაში გვქონდა სამი ნახტომისებური ზრდა, მაგრამ სწორედ იმის გამო, რომ თქვენ დაიცავით უმრავლესმა ის რეკომენდაციები, რასაც სახელმწიფო იძლეოდა, მოვახერხეთ ის, რომ ზრდის მაჩვენებელი არ სცილდება ათ ახალ შემთხვევას.

მოგეხსენებათ ჯერ ყველაფერი წინ არის. პანდემია ვრცელდება მსოფლიოში. ვერ გააჩერეს დიდმა ქვეყნებმა პანდემიის გავრცელება, ამიტომ  მომავალი სამი კვირა, რატომ ვამბობ სამ კვირას, ჩვენ პირველი შემთხვევა დაგვიფიქსირდა 26 თებერვალს და 22 მარტს დავაფიქსირეთ უკვე შიდა გავრცელების შემთხვევა. როცა ვეღარ გავედით წყაროზე, შიდა გავრცელებიდან დაწყებული, უკვე მეექვსედან მერვე კვირამდე ითვლება ყველაზე უფრო კრიტიკულ კვირებად. დღეს ჩვენ შევედით მეხუთე კვირებში, ამიტომ აპრილის ბოლო კვირა, მაისი პირველი კვირა  მოსალოდნელია, რომ იყოს ინფექციის კიდევ ზრდა.

ამიტომ კიდევ ერთხელ მოგიწოდებთ და გთხოვთ ყველას, რომ დავრჩეთ სახლში“, - განაცხადა ამირან გამყრელიძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც