დღევანდელი დღის მონაცემებით 88 000 ადამიანი შემოწმდა უკვე, საველე ჰოსპიტალში კი 15 ადამიანი იმყოფება - ამის შესახებ, მარნეულის მერმა, ზაურ დარგალმა ჟურნალისტებს განუცხადა.

მისი თქმით, ანალიზების პასუხები მზად პირველი საათის შემდეგ იქნება.

„დღევანდელი დღის მონაცემებით 88 000 ადამიანი შემოწმდა უკვე, საველე ჰოსპიტალში 15 ადამიანი იმყოფება, ანალიზების პასუხებს ველოდებით პირველი საათის მერე, ასევე ამ დროისთვის გვექნება თერმოსკრინინგის ახალი მონაცემები, რომელიც 6 ერთეულში აქტიურად გრძელდება, 11 ერთეულში კი დასრულებულია.

ქალაქსა და სოფლებში სტაბილური მდგომარეობაა, ახალ პირობებთან დაკავშირებით, ინფორმაციას აქტიურად ვავრცელებთ, როგორც ქართულ ასევე აზრბაიჯანულ და სომხურ ენებზე. ბანკებთან არის ხალხმრავლობა, თუმცა ადგილზე შინაგან საქმეთა სამინისტროს წარმომადგენელი იმყოფება და ასევე ზედამხედველობის წარმომადგენლები. ის რეკომენდაციები და საჭირო დისტანცია დაცულია.

სასურსათო მარაგი ჩვეულებისამებრ შემოდის მუნიციპალიტეტის ტერიტორიაზე, კოორდინირებულად ვმუშაობთ ქსელებთან და მარაგის პრობლემა არცერთი მიმართულებით მარნეულშ არ არის", - განაცხადა ზაურ დარგალმა.

ავტორი: ექსპრესნიუსი,

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში