საგარეო საქმეთა მინისტრის პირველი მოადგილე დავით დონდუა პროგრამა CAPSTONE-ის მონაწილეებს შეხვდა.

საგარეო საქმეთა სამინისტროს ინფორმაციით, დავით დონდუამ მოკლედ მიმოიხილა საქართველო-ამერიკის ორმხრივი ურთიერთობები და უსაფრთხოების კუთხით არსებული სიტუაცია ქვეყანასა და რეგიონში, საქართველოს საგარეო პოლიტიკის პრიორიტეტები და ევროპული და ევროატლანტიკური ინტეგრაციის პროცესში არსებული გამოწვევები.

შეხვედრა კითხვა-პასუხის რეჟიმში გაგრძელდა და საუბარი ასევე შეეხო საქართველოს ოკუპირებულ ტერიტორიებზე არსებულ მდგომარეობას, რუსეთ-საქართველოს ურთიერთობებს და რეგიონული უსაფრთხოების სხვა საკითხებს.

ცნობისთვის, პროგრამა CAPSTONE-ში აშშ-ის მაღალი რანგის სამხედრო პირები მონაწილეობენ. CAPSTONE წლებია რეგულარულად სტუმრობს საქართველოს და მისი მიზანია საქართველოსა და რეგიონში არსებული უსაფრთხოების გამოწვევების შესწავლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო