„თბილისში თაღლითები გააქტიურდნენ, რომლებიც დევნილებს ატყუებენ და გარკვეული  თანხის სანაცვლოდ თბილისის ზღვაზე ბინების მიღებას სთავაზობენ“,-ამის შესახებ საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა მინისტრმა სოზარ სუბარმა ჟურნალისტებს განუცხადა.

სუბარმა დევნილებს მსგავსი შეთავაზების შემთხვევაში მოუწოდა შინაგან საქმეთა და დევნილთა სამინისტროებს მიმართონ.

„მას შედეგ, რაც პრემიერმა  განცხადება გააკეთა,  რომ ექვსასამდე დევნილ  ოჯახს ბინა გადაეცემა, თბილისში გამოჩნდნენ და გააქტიურდნენ თაღლითები. ეს ადამიანები  დევნილებს ატყუებენ, რომ გარკვეული თანხის სანაცვლოდ შეუძლიათ ამ ბინების მიღება. ვაფრთხილებ ყველას, როგორც კი მსგავს წინადადებას მოისმენენ, გაქანდნენ შსს-ში ან ჩვენთან და მოგვაწოდონ ინფორმაცია. ეს არის ტყუილი.  ვერავინ ვერ მიიღებს დადგენილი წესის ავლით ბინას, ვერც თაღლითობით, ვერც თანხით, ვერც აქციებით. არსებობს მკაფიოდ დადგენილი წესები, ბინა ყველას შეხვდება.  უბრალოდ თანმიმდევრობა მკაფიოდ იქნება დაცული. ამას წყვეტს არა ჩვენი სამინისტრო, არამედ ძალიან ფართო კომისია, რომელშიც შედიან საერთაშორისო ორგანიზაციების წარმომადგენლები, სახალხო დამცველის წარმომადგენლები, არასამათავრობო ორგანიზაციის წარმომადგენლები“,-განაცხადა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც