2019-12-02 10:29:08, 1913 ნახვა
სამართალი
„ბანკი ქართუს“ გაკოტრების საქმეზე ზურაბ ადეიშვილს 5 წლით და 3 თვით პატიმრობა შეეფარდა
თბილისის საქალაქო სასამართლომ „ქართუ ბანკის“ გაკოტრების საქმეზე იუსტიციის ყოფილ მინისტრს ზურაბ ადეიშვილს 5 წლით და 3 თვით პატიმრობა შეუფარდა.
აღნიშნული გადაწყვეტილება მოსამართლემ რამდენიმე წუთის წინ გამოაცხადა.
ამასთან, ზურაბ ადეიშვილთან ერთად ბრალდებულ ნიკა მელიას კი 25 000 ლარიანი ჯარიმა დაეკისრა.
შეგახსენებთ, რომ ნიკა მელიას და ზურაბ ადეიშვილს „ბანკი ქართუს“ საქმეზე სამსახურებრივი უფლებამოსილების გადამეტებასა და თვალთმაქცური გარიგებით ქონების გადამალვაში დახმარებას ედავებიან.
ავტორი: ექსპრესნიუსი,
epn.ge (@expressnews.ge)
