„მიხეილ სააკაშვილი თავისი პოლიტიკური თვისებებით დღეს საქართველოს სჭირდება“, -  ამის შესახებ „გამარჯვებული საქართველოს“ ლიდერმა გუბაზ სანიკიძემ მედიაჰოლდინგ „კვირას“ პრესკლუბში გამართულ პრესკონფერენციაზე განაცხადა.

მისი თქმით, თუ ხალხი სააკაშვილის საქართველოში დაბრუნებას გადაწყვეტს, ამას თავადაც მიესალმება.

„თუ არჩევნებში ქართველი ხალხი გადაწყვეტილებას მიიღებს, რომ სააკაშვილი დაბრუნდეს საქართველოში, მე ამას მივესალმები. მეტიც – ხელსაც შევუწყობ ამას. სააკაშვილი მზადაა, ძალიან ბევრი კომპრომისისთვის.მიხეილ სააკაშვილი და მისი პოლიტიკური თვისებები დღეს საქართველოს სჭირდება“- ამბობს სანიკიძე.

როგორც მან აღნიშნა, კრიტიკას არც მიხეილ სააკაშვილი აკლებდა.

ჟურნალისტის რეპლიკას „ჩვენ გვახსოვს, რომ მიხეილ სააკაშვილი გეძახდათ აგენტს, სანიკიძემ უპასუხა, „აგენტს როდის მეძახდა? – თავგასიებულს მეძახდა“.

შეგახსენებთ, რამდენიმე დღის წინ გუბაზ სანიკიძე და საქართველოს მესამე პრეზიდენტს  მიხეილ სააკაშვილს კიევში შეხვდა. აღსანიშნავია, რომწლების მანძილზე სანიკიძე სააკაშვილის მიმართ საკმაოდ კრიტიკულად იყო განწყობილი და მას ქვეყნის დამაქცევლად და ბნელ ძალად მოიხსენიებდა.

ავტორი: ექსპრესნიუსი,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება