ფრაქცია "ნაციონალური მოძრაობის" თავმჯდომარე რომან გოცირიძე მიიჩნევს, რომ მეუფე იაკობის განცხადებებთან დაკავშირებით გამოძიება უნდა დაიწყოს. 

როგორც გოცირიძემ ჟურნალისტებს განუმარტა, იმ შემთხვევაში თუ გამოძიება არ დაიწყება, არსებობს ეჭვი, რომ სასულიერო პირმა უტყუარი ინფორმაცია გაავრცელა. 

"ჩვენ მივიღეთ ინფორმაცია, რომ ხელისუფლება საეკლესიო გადატრიალებას გეგმავდა, რომლის მიზანიც პოლიტიკური იყო. ეს ნიშნავს, რომ საკუთარი პოლიტიკური მიზნებისთვის ხელისუფლება აპირებდა პატრიარქის გადაყენებას, რაც არის უდიდესი დანაშაული. ამის არგამოძიება ნიშნავს, რომ ყველა სიტყვა, რაც მეუფე იაკობმა განაცხადა, არის სიმართლე.  თქვენ წარმოგიდგენიათ, რომ გახარია, გომელაური და კვირიკაშვილი ამას საკუთარი ნებით გააკეთებდნენ? კვირიკაშვილმა ხომ თქვა, ვინ მართავს ქვეყანას და თქვენ წარმოგიდგენიათ, რომ ამაში ივანიშვილი არ იყო ჩართული? არ იქნება გამოძიება? 100%-იანი სიზუსტით შეგვიძლია ვთქვათ, რომ მეუფე იაკობი ამბობს სიმართლეს, თუმცა მე პირადად ამაში ეჭვი არ მეპარება. გამოძიება ამ ფაქტებზე დღესვე უნდა დაიწყოს", - განაცხადა პარლამენტის დეპუტატმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

უკრაინამ ბოლო ერთი თვის განმავლობაში მესამედ დაბომბა ნავთობის საწყობი, რომელიც კრასნოდარის ოლქსა და ადიღეს საწვავს ამარაგებდა

ტრამპმა გამოაცხადა, რომ აშშ მზადაა ვენესუელაში მიწისძვრის გამო დახმარება გაუწიოს

ვენესუელაში მიწისძვრის ორი სერია მოხდა - 7.2 და 7.5 მაგნიტუდის სიმძლავრის, არიან დაღუპულები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია