2019-10-21 16:27:20, 2007 ნახვა
კომენტარი
სოსო ფხაკაძე: ლარის კურსი მომავალ თვეებში შესაძლოა გამყარდეს
"მაკროეკონომიკური ფაქტორები არის ჯანსაღი და აქედან გამომდინარე ვფიქრობთ, რომ მომავალ თვეებში ლარს აქვს საშუალება გამყარდეს. რა ნიშნულამდე ჩამოვა, ამაზე საუბარი არავის შეუძლია“. - ამის შესახებ „ვისოლ ჯგუფის“ პრეზიდენტმა სოსო ფხაკაძემ განაცხადა.
ბიზნესმენმა ასევე აღნიშნა, რომ საქართველოს ეკონომიკა დამოკიდებულია საგარეო ფაქტორებზე და ლარის კურსის საგარეო შოკი დღეს არ ჩანს.
„ჩვენი ქვეყნის ეკონომიკური ბარომეტრი დღეს არის ლარის კურსი. ეს ერთანირად აწუხებს, როგორც საზოგადოებას, ასევე ზოგადად ბიზნესს და ეკონომიკას. ლარის კურსი, სამწუხაროდ დამოკიდებულია საგარეო ფაქტორებზე, ბოლო წლებში ჩვენ ძალიან დიდი საგარეო შოკი გვქონდა, დღეს ვფიქრობთ, რომ ეს საგარეო შოკი არ ჩანს, რაც ჩვენ რამდენიმეჯერ განვაცხადეთ.“ - განაცხადა ფხაკაძემ
ავტორი: ექსპრესნიუსი,
epn.ge (@expressnews.ge)
