ხაშურის მუნიციპალიტეტის სოფლების  ბეკამის, ცოცხნარას, ბჯნისისა და აძვის მოსახლეობას გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი, შიდა ქართლის მხარეში სახელმწიფო რწმუნებული გიორგი ხოჯევანიშვილი, საქართველოს პარლამენტის წევრები და ადგილობრივი თვითმმართველობის წარმომადგენლები შეხვდნენ. 

მოსახლეობასთან გამართულ შეხვედრებზე სოფლებში არსებული საკითხები და ძირითადი საჭიროებები განიხილეს. საუბარი შეეხო ინფრასტრუქტურის, სოფლის მეურნეობის, განათლების, ჯანდაცვისა და სოციალური დაცვის კუთხით პროგრამების განხორციელების მნიშვნელობას. ადგილობრივებმა მათთვის პრიორიტეტულ საკითხებზე გაამახვილეს ყურადღება.

გარემოს დაცვისა და სოფლის მეურნეობის მინისტრის მოადგილემ მოსახლეობას დეტალურად გააცნო ყველა  ის პროექტი, რომელსაც სამინისტრო ახორციელებს.

„სახელმწიფო პროექტების ფარგლებში, რეალური ხელშესახები შედეგები უკვე არსებობს. მნიშვნელოვანია, რომ კიდევ უფრო მეტი მოქალაქე  ჩაერთოს  აღნიშნულ პროექტებში და მიიღოს ის სარგებელი, რასაც სახელმწიფო სთავაზობს. ჩვენი მიზანია, ფერმერებმა გააფართოონ წარმოება, შექმნან სასოფლო-სამეურნეო კოოპერატივები და გაზარდონ შემოსავლები“, - განაცხადა სოლომონ პავლიაშვილმა.

შეხვედრაზე აღინიშნა, რომ პროექტების დაგეგმვისა და გადაწყვეტილების მიღების პროცესში მოქალაქეების ჩართულობა განსაკუთრებით მნიშვნელოვანია.

ადგილობრივი ხელისუფლების წარმომადგენლებმა, ხაშურის მუნიციპალიტეტში განხორციელებულ და დაგეგმილ პროექტებზე ისაუბრეს. როგორც შიდა ქართლის მხარეში სახელმწიფო რწმუნებულმა, გიორგი ხოჯევანიშვილმა აღნიშნა, მოსახლეობის ძირითადი საჭიროებები მაქსიმალურად იქნება ასახული მომავალი წლის ბიუჯეტში და მათი მოგვარება ეტაპობრივად განხორციელდება.

ცენტრალური და ადგილობრივი ხელისუფლების წარმომადგენლები მოსახლეობასთან შეხვედრებს მუნიციპალიტეტის სხვა სოფლებშიც გამართავენ.

(NS)

ავტორი: ექსპრესნიუსი,

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა