2019-09-20 10:33:43, 2698 ნახვა

---

აჭარის ჯანდაცვის სამინისტრო ონკოჰემატოლოგიური დაავადების მქონე პაციენტებისათვის ძვლის ტვინის ტრანსპლანტაციის დაფინანსებას გაზრდის

2020 წელს აჭარის ჯანდაცვის სამინისტრო ონკოჰემატოლოგიური დაავადების მქონე პაციენტებისათვის ძვლის ტვინის ტრანსპლანტაციის დაფინანსებას გაზრდის.

ბათუმში რეგისტრირებულ პაციენტებს ძვლის ტვინის აუტოლოგიური ტრანსპლანტაცია მაღალდოზირებული ქიმიოთერაპიით, ტრანსპლანტაციის წინა და პოსტტრანსპლანტაციური პერიოდის მართვით, სამინისტროს მიერ დაუფინანსდებათ 80 000 ლარით, დამატებით 20 000 ლარს გამოყოფს ქ. ბათუმის მერია. ხოლო აჭარის ავტონომიური რესპუბლიკის სხვა მუნიციპალიტეტებში რეგისტრირებულ პაციენტებს სამინისტრო ტრანსპლანტაციას დაუფინანსებს 100 000 ლარით.

რაც შეეხება ძვლის ტვინის ალოგენურ ტრანსპლანტაციას, აჭარის ჯანდაცვის სამინისტრო ქ. ბათუმში რეგისტრირებულ პაციენტებს დაუფინანსებს 130 000 ლარით, დამატებით 20 000 ლარს გამოყოფს ქ. ბათუმის მერია. აჭარის ავტონომიური რესპუბლიკის სხვა მუნიციპალიტეტებში რეგისტრირებულ პაციენტებს სამინისტრო 150 000 ლარით დააფინანსებს.

აჭარის ჯანდაცვის სამინისტრომ #ძვლის #ტვინის აუტოლოგიური და ალოგენური ტრანსპლანტაცის დაფინანსება 2019 წელს დაიწყო. მიმდინარე წელს პროგრამით ხუთმა პაციენტმა ისარგებლა.

 

 

 

(NS)

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი