ევროპის საბჭოს პრეზიდენტი დონალდ ტუსკი საქართველოში ვიზიტის ფარგლებში ხურვალეთში ჩავა და საოკუპაციო ხაზს მოინახულებს.

ამის შესახებ დღეს გამართულ ბრიფინგზე საგარეო საქმეთა სამინისტროს სპიკერმა დავით კერესელიძემ განაცხადა.

დონალდ ტუსკის ვიზიტი საქართველოში 14 ივლისს, ბათუმში დაიწყება, სადაც ის პრეზიდენტ გიორგი მარგველაშვილს შეხვდება.

15 ივლისს ვიზიტი თბილისში გაგარძელდება, სადაც შეხვედრები გაიმართება პრემიერ-მინისტრთან, პარლამენტის თავმჯდომარესთან და საქართველოს კათოლიკოს-პატრიარქთან.

„ევროპის საბჭოს პრეზიდენტი გეგმავს საგანგებოდ ჩავიდეს ხურვალეთში საოკუპაციო ზოლის მოსანახულებლად“, - აღნიშნა დავით კერესელიძემ. ამასთან, მისი თქმით, საგარეო საქმეთა სამინისტროში დღეს დიპლომატიური კორპუსის წარმომადგენლებთან შეხვედრა გაიმართება, სადაც უწყების წარმომადგენლები დიპლომატებს საოკუპაციო ხაზის გასწვრივ არსებული ვითარების შესახებ ინფორმაციას დეტალურად მიაწვდიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია