„ჩვენ ვავითარებთ ჩვენს პრიორიტეტულ, სტრატეგიულ პროექტს ანაკლიის პროექტს, რომელსაც აქვს უპრეცედენტო მხარდაჭერა სახელმწიფოსგან. არც ერთ სხვა ინფრასტრუქტურულ პროექტს არ ჰქონია მსგავსი მხარდაჭერა", - ამის შესახებ ეკონომიკისა და მდგრადი განვითარების მინისტრმა კახეთის საერთაშორისო რეგიონულ  ფორუმზე სიტყვით გამოსვლისას განაცხადა.

ნათია თურნავამ ფორუმზე ვრცალდ ისაუბრა ქვეყანაში ლოგისტიკის სფეროს განვითარების  მნიშვნელობაზე.

როგორც მინისტრმა აღნიშნა, ამ თვალსაზრისით საქართველო ერთ-ერთი სტრატეგიული ქვეყანაა.

„უკვე განვამტკიცეთ ჩვენი როლი როგორც აბრეშუმის გზის ფარგლებში, ასევე ზოგადად ევრაზიული ხიდის როლს ვასრულებთ.  არც ერთ სხვა ინფრასტრუქტურულ პროექტს არ ჰქონია ანაკლიის პროექტის მსგავსი მხარდაჭერა - ეს არის 300 მილიონიანი ინვესტიცია ინფრასტრუქტურაში, ეს არის გზები, რკინიგზა. ჩვენი კეთილი ნება იყო, რომ 70 მილიონამდე გაიხარჯა მიწის გამოსყიდვაზე და ეს არის ჩვენი კონტრიბუცია", - განაცხადა ეკონომიკის მინისტრმა.
 

ამასთან, ეკონომიკისა და მდგრადი განვითარების მინისტრის განცხადებით, საპარტნიორო ფონდის მონაწილეობა ამ პროექტში  100 მილიონ დოლარზე მეტი თანაინვესტირებაა. „ასეთ პირობებში ეს პროექტი „განწირულია" წარმატებისთვის და მხოლოდ ერთი რამ გვაკლია, რომ კერძო ინვესტორმა დროულად შეასრულოს თავისი ვალდებულება. თუმცა, ასეთი მხარდაჭერის პირობებში ჩვენ ვფიქრობთ, რომ ეს ძალიან მარტივია და ასე უნდა მოხდეს", - აღნიშნა ნათია თურნავამ.

(NS)

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით