2019-05-23 17:58:11, 1617 ნახვა
სამართალი
7 თვის ბავშვის მკვლელობაში ბრალდებულ არასრულწლოვან დედას პატიმრობა შეეფარდა
სოფელ აღაიანში 7 თვის შვილის მკვლელობაში ბრალდებულ არასრულწლოვან დედას აღკვეთის ღონისძიების სახით პატიმრობა შეეფარდა.
შესაბამისი გადაწყვეტილება გორის რაიონულმა სასამართლომ ცოტა ხნის წინ მიიღო.
ბრალდებულისთვის აღკვეთის ღონისძიების სახით პატიმრობის შეფარდების შუამდგომლობა ბრალდების მხარემ დააყენა, რასაც დაცვის მხარეც დაეთანხმა. არასრულწლოვან გოგონას სავალდებულო წესით დანიშნული ადვოკატი იცავს. ადვოკატის თქმით, მისი დაცვის ქვეშ მყოფი დუმილის უფლებას იყენებს.
სასამართლო სხდომა დახურულ კარს მიღმა მიმდინარეობდა, რადგან საქმე არასრულწლოვანს ეხება.
ცნობისთვის, 22 მაისს კასპში, არასრულწლოვანმა დედამ 7 თვის შვილი მოკლა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
