კვიპროსის რესპუბლიკის პრეზიდენტის ნიკოს ანასტასიადისის განცხადებით, კვიპროსზე მცხოვრებ საქართველოს მოქალაქეებს ქვეყნის განვითარებაში დიდი წვლილი შეაქვთ.

მისივე თქმით, კვიპროსში მცხოვრები საქართველოს მოქალაქეები ქვეყნის ეკონომიკურ გაძლიერებასაც უწყობენ ხელს. 

„ქართველები კვიპროსზე მე-10 საუკუნიდან ფიქსირდებიან. მათ ააგეს მონასტერი პაფოსში. 1571 წელს მონასტერი უცხოელთა დარბევის შემდეგ დაცარიელდა. მიუხედავად ამისა, ჩვენს ქვეყნებს შორის შედგა მოლაპარაკებები და არქეოლოგიური გათხრები გახდა შესაძლებელი. სწორედ ამ არქეოლოგიური გათხრების დროს აღმოაჩინეს ამ მონასტრის ნანგრევები“, - აღნიშნა ანასტასიადისმა.

ანასტასიადისმა განაცხადა, ორი ქვეყნის მრავალსაუკუნოვანი ურთიერთობების აღსანიშნავად, კვიპროსმა ქართულ მხარეს მიწის ნაკვეთი გადასცა, რათა იქ ახალი მონასტერი აშენდეს.

გარდა ამისა, მისივე თქმით, კვიპროსი საქართველოს ევროინტეგრაციას მხარს უჭერს. ამასთან, მან საქართველოს მასპინძლობისთვის მადლობა გადაუხადა.

"მინდა მადლობა გადაგიხადოთ მოწვევისთვის, რომელმაც მომცა შესაძლებლობა, კვიპროსის პრეზიდენტს, პირველად ვწვეოდი საქართველოს. თავს ვგრძნობთ როგორც საკუთარ სახლში. ჩვენს ქვეყნებს მრავალწლიანი ურთიერთობის ისტორია აქვთ. რა თქმა უნდა, ჩვენი ურთიერთობები კულტურულ და რელიგიურ სარწმუნოებრივ ურთიერთობებზეა დამყარებული. ჩვენი მიზანი ერთადერთია, რაც შეიძლება მეტად დავახლოვდეთ, რაც შეიძლება მეტად გავაღრმავოთ ურთიერთობები სხვადასხვა სფეროში. ჩემი ოფიციალური ვიზიტი საქართველოში მართლაც შეიძლება ისტორიულად ჩაითვალოს და ძალიან დიდი იმედი მაქვს, ჩვენი თანამშრომლობის გაღრმავებისა და გაძლიერების, ეკონომიკური და საინვესტიციო ურთიერთობების გაძლიერების საწყისი შეიძლება იყოს. ძალიან დიდ იმედს გამოვთქვამ, რომ ხვალინდელი ბიზნესფორუმი, გააძლიერებს თანამშრომლობას როგორც ეკონომიკურ ასევე საინვესტიციო სფეროში", - განაცხადა ნიკოს ანასტასიადისმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს