ეროვნული ბანკის პრეზიდენტმა კობა გვენეტაძემ, „თიბისი ბანკის“ საქმეზე საუბრისას დეპუტატი რომან გოცირიძე გააკრიტიკა.

როგორც გვენეტაძემ აღნიშნა, მისთვის გასაკვირია, რატომ ვერ აღკვეთა 2007 წელს სებ-ის მაშინდელმა პრეზიდენტმა (რომან გოცირიძე) მსგავსი დარღვევები.

„სამ წელზე მეტია, ეროვნული ბანკის პრეზიდენტის თანამდებობა მიკავია და ჩემი წინამორბედის საქმიანობა არასოდეს შემიფასებია. დღეს კი უნდა ვთქვა, რომ ჩემთვის ფრიად გასაკვირია, რატომ ვერ მოახერხა ეროვნული ბანკის მაშინდელმა პრეზიდენტმა, რომელიც ეხლა დარბაზშია, აღეკვეთა მსგავსი დარღვევები 2007 წელს, მაშინ, როდესაც ბანკის კაპიტალის ადექვატურობა, ბანკის ფინანსური მდგრადობის ყველაზე მთავარი გარანტია და ამაზე უკეთესი ბერკეტი ელემენტარულად არ არსებობს. ჩემი ყოფილი კოლეგის საყურადღებოდ მსურს ასევე განვაცხადო, რომ მე კაპიტალის ადეკვატურობის დარღვევის მიმართ, აბსოლუტურად არატოლერანტული ვარ. ასევე, ჩემმა ერთ-ერთმა ყოფილმა კოლეგამ, ერთ-ერთ ტელევიზიასთან ინტერვიუში პოპულარული ენით სრულიად არასწორი ინფორმაცია მიაწოდა და შეცდომაში შეიყვანა ფართო საზოგადოება, რომელსაც ფინანსურ საკითხებში გათვითცნობიერებულობას ვერ მოვთხოვთ. კერძოდ, მან განაცხადა, რომ დამფუძნებლებმა თავიანთი ბანკიდან აიღეს ფული და შემდეგ ეს ფული კაპიტალის სახით ისევ ბანკში შეიტანეს, რაც თითქოს სავსებით ჩვეულებრივი მოვლენაა. განვუმარტავ ყოფილ კოლეგას, რომ ბანკიდან მიღებული დამფუძნებლის ფული არის საკუთარი თუ ეს ფული მიღებული წილის გაყიდვით ან დივიდენდის სახით, ხოლო თუ დამფუძნებელი ბანკიდან ფულს იღებს სესხის სახით, ამ ფულს იმავე ბანკს აღარ უბრუნებს და ამით ბანკს ზარალი წარმოექმნება, ამას ბანკის მეანაბრეების თანხების საფრთხის ქვეშ დაყენება და დანარჩენი აქციონერების მოტყუება ჰქვია. თუ რა ქვია ამ ყველაფერს პოპულარული ენით, ამის თქმას ამ ტრიბუნიდან არ ვიკადრებ და შეფასება თქვენთვის მომინდია“, - განაცხადა კობა გვენეტაძემ.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე