კითხვაზე - მოხდა თუ არა მძინარე ცხინვალის დაბომბვა, ჩემი პასუხია - არა!, - ასე უპასუხა თავდაცვის მინისტრმა ლევან იზორიამ "ნაციონალური მოძრაობის" წევრ სალომე სამადაშვილს.

იზორიამ ხაზგასმით აღნიშნა, რომ მსგავს ფაქტს ადგილი არ ჰქონია: „თქვენ მკითხეთ, ან კი მითხარით, ან არაო და ჩემი პასუხი ცხადია".

რაც შეეხება "ევროპული საქართველოს" ერთ-ერთი ლიდერის, გიგა ბოკერიას შეკითხვას, იგი დაინტერესდა რა კომენტარს გააკეთებდა თავდაცვის მინისტრი პრეზიდენტ სალომე ზურაბიშვილის განცხადებაზე, რომელიც დეპუტატის თქმით "ქვეყნისთვის  ნატო-ს  წვრთნებს საზიანოდ განიხილავს".

„თქვენ იცით ჩემი პოზიცია, რომ რუსეთი არის მთავარი საფრთხე ცივილიზებული სამყაროსათვის. კონკურენტულ სამყაროში ვცხოვრობთ, სადაც განსაკუთრებით ნატო-სთვის ეს საფრთხე მწვავეა. შეკავებისა და თავდაცვის განახლებული პოლიტიკა, რომლის ერთგულებიც ჩვენ ჩვენი რეფორმებით ვართ, იმას ემსახურება, რომ ამ კონკრეტული საფრთხის შეკავება მოხდეს“, - განაცხადა ლევან იზორიამ.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე