„იმის მტკიცება, რისი ფაქტიც არ არსებობს, არის ელემენტალურად იმ ეთიკური ნორმების დარღვევა, რასაც ჟურნალისტიკა უნდა აკმაყოფილებდეს“, - ასე გამოეხმაურა საქართველოს თავდაცვის მინისტრი პარლამენტში გამოსვლისას სხვადასხვა მედიასაშუალებით გავრცელებულ დეზინფორმაციებს.

ლევან იზორიამ ტელეკომპანია „რუსთავი 2“-ზე თავდაცვის უწყებისა და თავდაცვის ძალებთან დაკავშირებით გასული სიუჟეტები გაიხსენა.

მინისტრის შეფასებით, მსგავსი ინფორმაციები, რომლებიც სიმართლეს არ შეესაბამება, თითოეულ ჯარისკაცსა და ოფიცერს ფსიქოლოგიურ დარტყმას აყენებს: „როდესაც ჯარისკაცს ეუბნები, რომ სისტემური პრობლემებია, შიმშილის პირას ხარ მისული, იმიტომ რომ თურმე ხორცით უზრუნველყოფა უწყვეტად აღარ ხდება, თურმე უნიფორმით მომარაგება აღარ ხდება, ბუნებრივია, ეს არის პირველი ფსიქოლოგიური და საინფორმაციო დარტყმა და შესაბამისად, ამაზე მწვავე რეაქცია მექნება“, - განაცხადა ლევან იზორიამ.

საქართველოს თავდაცვის მინისტრმა ქართული ჯარის რეპუტაციისა და ავტორიტეტის დაცვის მნიშვნელობა ხაზგასმით აღნიშნა.

(NS)

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე