საქართველოსა და აზიის განვითარების ბანკს შორის თანამშრომლობის საკითხები მიმოიხილეს ფინანსთა მინისტრმა, ივანე მაჭავარიანმა და აზიის განვითარების ბანკის აღმასრულებელმა დირექტორმა, ენტონი მაკდონალდმა ფინანსთა სამინისტროში დღეს გამართულ შეხვედრაზე.

მხარეები მიესალმნენ ორმხრივი პარტნიორობის პოზიტიურ დინამიკას და იმედი გამოთქვეს, რომ ის მომავალშიც ნაყოფიერად გაგრძელდება.

ფინანსთა მინისტრმა სტუმარს მადლობა გადაუხადა იმ თანადგომისთვის, რომელსაც აზიის განვითარების ბანკი უწევს საქართველოს სტრუქტურული და ეკონომიკური რეფორმების განხორციელების პროცესში.

აღინიშნა, რომ განსაკუთრებით მნიშვნელოვანია, აზიის განვითარების ბანკის მხარდაჭერა მუნიციპალური და ურბანული ინფრასტრუქტურის განვითარების, ენერგეტიკასა და გზების მშენებლობის მიმართულებით.

ბანკის დაფინანსებით ხორციელდება ქვეშეთი-კობის 22.7 კილომეტრიანი გზისა და 9 კილომეტრიანი გვირაბის მშენებლობა, რომელიც მნიშვნელოვნად გაზრდის სატრანზიტო პოტენციალს ჩრდილო-დასავლეთის მაგისტრალის მიმართულებით.

ასევე, აღსანიშნავია ADB-ს მხარდაჭერა აღმოსავლეთ-დასავლეთის ჩქაროსნული ავტომაგისტრალის განვითარების პროცესში.

ყურადღება გამახვილდა 2019-2021 წლების პარტნიორობის სექტორებზე, რომელთა შორის პრიორიტეტულად დასახელდა განათლების სფეროში დაგეგმილი მასშტაბური რეფორმა, რომლის მიმართ აზიის განვითარების ბანკმა სრული მხარდაჭერა გამოთქვა.

ფინანსთა სამინისტროში გამართულ შეხვედრას დაესწრო აზიის განვითარების ბანკის მუდმივი წარმომადგენლობის დირექტორი საქართველოში იეშიმ ელჰან-კაიალარი.

(NS)

ავტორი: ექსპრესნიუსი,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო