„უნდა ვიყოთ ფოკუსირებული იმაზე, რომ პროექტის მშენებლობა რაც შეიძლება დროულად დაიწყოს. მოხდეს იმ რესურსების მობილიზაცია, რომელზეც პასუხისმგებლობა იქნა აღებული“, - ამის შესახებ პრემიერ-მინისტრმა, მამუკა ბახტაძემ დღეს გამართულ ბრიფინგზე ანაკლიის პროექტზე საუბრისას განაცხადა.

როგორც პრემიერმა განმარტა, ანაკლიის პროექტი უსაშველოდ არ უნდა გაიწელოს

„რაც შეეხება ანაკლიის პორტს, მე გავაკეთე რამდენჯერმე კომენტარი ამ საკითხზე და კიდევ ერთხელ მინდა გავიმეორო, ცუდ ფაქტთან გვაქვს საქმე, როცა ვხედავთ მცდელობას, დაუკავშირონ ის საქმე, რომელიც არის ძიებაში, კონკრეტული ტრანზაქციის და შესაძლო პიროვნებების მონაწილეობასთან დაკავშირებით ანაკლიის პორტთან. ამას არანაირი კავშირი არ აქვს. ანაკლიის პორტის იდეის განხორცილება დაიწყო რამდენიმე წლის წინ და სწორედ ჩვენი პოლიტიკური გუნდის  ინიციატივით. 
არ გვსურს, რომ ეს საკითხი უსაშველოდ გაიწელოს. მოხდა რამდენჯერმე საკითხის გადავადება, ჩვენი ამოცანა, ისევე როგორც კონსორციუმის მონაწილეების, რომ რაც შეიძლება დროულად დაიწყოს მშენებლობის პროცესი. ამაზე უნდა ვიყოთ ფოკუსირებული და არა იმაზე, რომ ოდესღაც ვიღაცამ კაბალურ ხელშეკრულებას მოაწერა ხელი. ჩვენ უნდა ვიყოთ ფოკუსირებული იმაზე, რომ პროექტის მშენებლობა რაც შეიძლება დროულად დაიწყოს. მოხდეს იმ რესურსების მობილიზაცია, რომელზეც პასუხისმგებლობა იქნა აღებული“, - აღნიშნა პრემიერ-მინისტრმა.

ავტორი: ,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს