"როგორ შეიძლება დაადო ხელი გახარიას”, - ამის შესახებ საპარლამენტო უმრავლესობის წევრმა ზაქარია ქუცნაშვილმა "ტვ პირველის" ეთერში განაცხადა. 

ქუცნაშვილის თქმით, პარლამენტმა მამუკა ხაზარაძეს თავისი სიმართლის დასაცავად ასპარეზი მისცა. 

„მე ვისურვებდი ყველა ადამიანმა გაიმართლოს თავი,  ვიდრე მტყუანი აღმოჩნდეს, მაგრამ არც ის შეიძლება, რომ ქაღალდი მოიტანო, არ დაასახელო მომტანი და ამის დასადასტურებლად იძახო, რომ „ნაციონალური მოძრაობის“ საწინააღმდეგო განცხადება გავაკეთე. მე ვერ დავიწყებ  შიშველი ხელებით ადამიანის დაბრალებას, ამიტომაც უფრო მეტი მოგვეთხოვება როცა ადამიანს აბრალებ და ეუბნები, რომ არ მწამდაო და გამაკეთებინეს ეს განცხადებაო. თუ არ გჯერა, რატომ აკეთებდი „ნაციონალური მოძრაობის“ წინააღმდეგ განცხადებას? თუ ჟურნალისტები წარმოაჩენთ ამას, რომ მამუკა ხაზარაძეს მოსწონს ნაციონალური მოძრაობა და აიძულა ქართულმა ოცნებამ, რომ ცუდი ელაპარაკა,  მაშინ ამ კაცს უკეთებთ ცუდ საქმეს თქვენ, მედია. მე  ვფიქრობ, რომ პარლამენტმა მისცა მამუკა ხაზარაძეს ასპარეზი თავისი სიმართლის დასაცავად. ორი კომიტეტი ჩატარდა, დაუთმეს უმაღლესი ტრიბუნა” - განაცხადა ზაქარია ქუცნაშვილმა. 

მისი თქმით,  ქართულმა ოცნებამ ბიძინა ივანიშვილის თავკაცობით მოიტანა თავისუფლება და თუ ვინმე ამ თავისუფლებას ბოროტად გამოიყენებს და შეეცდება სხვადასხვა ინტერესების გამო ვინმეს დაემუქროს, ის თავის თავს აყენებს დიდი დარტყმის ქვეშ.

(NS)

ავტორი: ,

სოციალური ქსელები

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა