"საზოგადოება დიდი ინტერესით ელოდა ამ უპრეცედენტო მტკიცებულებისა და კომპრომატის წარდგენას, თუმცა მივიღეთ პრინტერზე ამობეჭდილი ფურცელი, რაც არის რბილად რომ ვთქვათ არასერიოზული", - ამის შესახებ პარლამენტის თავმჯდომარემ, ირაკლი კობახიძემ ჟურნალისტებს "თიბისის" საქმეზე საუბრისას განუცხადა.

როგორ მან აღნიშნა გარკვეული ძალები საკითხის სამართლებრივი ჭრილიდან პოლიტიკურ ჭრილში გადაყვანას ცდილობენ.

"გარკვეული ძალები ცდილობენ ამ საკითხის სამართლებრივი ჭრილიდან პოლიტიკურ ჭრილში გადაყვანას. ჩვენი ამოცანა არის და უნდა იყოს ეს საკითხი დავტოვოთ პოლიტიკურ ჩარჩოში, საუბარია მარტივ საქმეზე, რომლის გამოძიებაში არიან ჩართული სამართალდამცავი ორგანოები,  ჩვენ მათ უნდა მივცეთ დრო იმისათვის რომ სათანადოდ იყოს გამოძიებული ეს საქმე. რაც შეეხება პოლიტიკურ კონტექსტში ამ საქმის განხილვას, ეს არის არასწორი, ჩვენ სამართლებრივ ჭრილში უნდა განვიხილოთ ეს საკითხი.
თქვენ გახსოვთ, რომ საზოგადოება დიდი ინტერესით ელოდა ამ უპრეცედენტო მტკიცებულებისა და კომპრომატი წარდგენას, შესაბამისად, ჩვენ მივიღეთ პრინტერზე ამობეჭდილი ფურცელი, რაც არის რბილად რომ ვთქვათ არასერიოზული, ეს ყველაფერი ტოვებს არასერიოზულ შთაბეჭდილებას. ბუნებრივია, ვერც პოლიტიკა და ვერც ბიზნესი ვერ ინდულგენცია ვერავისთვის. როდესაც საუბრობ წერილზე და მერე აქვეყნებ ამობეჭდილი ფურცელს, ეს არის არასერიოზული. ნებისმიერ ადამიანს შეუძლია ამობეჭდოს ფურცელზე გარკვეული ტექსტი და ეს გამოაქვეყნოს. არასერიოზულია ეს წერილი და მისი შინაარსი. როცა 20 პუნქტიან ე.წ. წერილს აქვეყნებ, ბუნებრივია, ერთი პუნქტი მაინც უნდა დაამთხვიო სინამდვილეს და ეს შეგიძლია გააკეთო პოსტ-ფაქტუმ", - აღნიშნა ირაკლი კობახიძემ. 

შეგახენებთ, თბილისის საქალაქო სასამართლოში "თიბისი ბანკის" დამფუძნებელი მამუკა ხაზარაძე 5 მარტს გამოიკითხა. გამოკითხვას მაგისტრი მოსამართლე ესწრებოდა. შეხვედრა მას შემდეგ ჩაინიშნა, რაც 4 მარტს, პარლამენტში, საკომიტეტო მოსმენის დროს ბიზნესმენმა შინაგან საქმეთა მინისტრი გიორგი გახარია მუქარაში დაადანაშაულა. ხაზარაძის თქმით, მან არჩევნების მეორე ტურამდე გახარიასგან მუქარის შემცველი წერილი მიიღო, სადაც როგორც ბანკის დამფუძნებელი ამბობს, მინისტრი ბიზნესმენის რეპუტაციის შელახვაზე საუბრობდა. ამის შემდეგ ხაზარაძემ პარლამენტში, დროებითი საგამოძიებო კომისიის შექმნა მოითხოვა, რასაც "ევროპულმა საქართველომ" მხარი დაუჭირა და შესაბამისი ხელმოწერების შეგროვება დაიწყო. ამ განცხადების შემდეგ "ნაციონალურმა მოძრაობამ" შს მინისტრის გადადგომა მოითხოვა. თავად გიორგი გახარიამ ბრალდებები უარყო და აღნიშნა, რომ წერილებს არავის წერს. მან ხაზარაძეს პრივილეგირებული ბიზნესმენიც უწოდა. 

ცნობისთვის, დაკითხვის დასრულების შემდეგ, მამუხა ხაზარაძემ განაცხადა, რომ შს მინისტრ გიორგი გახარიასგან მიღებული წერილი ლონდონში, ექსპერტიზაზე გაგზავნა. 

ავტორი: ,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა