ხაზარაძის თქმით, გახარიასგან მიღებული წერილი ლონდონში, ექსპერტიზაზეა გაგზავნილი

2019-03-05 16:24:16, 2022 ნახვა

სამართალი

„თიბისი ბანკის“ დამფუძნებელის, მამუკა ხაზარაძის განცხადებით, შინაგან საქმეთა მინისტრ გიორგი გახარიასგან მიღებული წერილი ლონდონში, ექსპერტიზაზე გაგზავნა.

როგორც ხაზარაძემ ჟურნალისტებს საქალაქო სასამართლოში გამოკითხვის დასრულების შემდეგ განუცხადა, გამომძიებლებს დღეს წერილის ასლი გადასცა.

„წერილის ასლი გადავეცი, გავაკეთე კომენტარები. წერილში რა წერია ეგ იყოს პროკურატურის კომპეტენცია, რამეთუ კარგად ატარებენ პრესკონფერენციებს. წერილის ორიგინალი გაგზავნილია ლონდონში, ექსპერტიზაზე“, - აღნიშნა მამუკა ხაზარაძემ.

შეგახსენებთ, პარლამენტში გამართულ სხდომაზე თიბისის დამფუძნებელმა მამუკა ხაზარაძემ განაცხადა, რომ შინაგან საქმეთა მინისტრ გიორგი გახარიასგან მუქარის შემცველი წერილი მიიღო. ხაზარაძის განცხადებას მოგვიანებით შს მინისტრი გამოეხმაურა და მას „პრივილეგირებული ბიზნესმენის მიერ ჭორაობით იმუნიტეტის მოპოვების მცდელობა“ უწოდა.