„ევროპული საქართველო“ ეროვნული ბანკის პრეზიდენტის, კობა გვენეტაძის დაბარებას ამჯერად პარლამენტის საფინანსო-საბიუჯეტო კომიტეტში აპირებს. 

პარტიის ერთ-ერთი ლიდერის გიგა ბოკერიას განცხადბით, კობა გვენეტაძესთან არსებული კითხვები, რომლებიც საბანკო რეგულაციებს და "თიბისი ბანკის" საქმეს ეხებოდა, პასუხს გაუცემელია. ბოკერიას განმარტებით, ამიტომ გვენეტაძის მოსმენა, სხვა შესაბამისი კომიტეტის ფორმატში უნდა გაგრძელდეს. 

"ჩვენ საფინანსო კომიტეტსაც მივმართავთ, რომ მანაც მოუსმინოს კობა გვენეტაძეს. არ შევწვეტთ მცდელობას, ყველა ინსტრუმენტის გამოყენების, სანამ ყველა არ მოჭრის თავს ისე როგორც დღეს აქ საპარლამენტო უმრავლესობამ მოიჭრა თავი", - განაცხადა გიგა ბოკერიამ. 

აღსანიშნავია, რომ ფრაქცია "ევროპული საქართველოს" თავმჯდომარემ ოთარ კახიძემ საფინანსო კომიტეტის ხელმძღვანელს შესაბამისი განცხადებით უკვე მიმართა. 

შეგახსენებთ, დარგობრივი ეკონომიკისა და ეკონომიკური პოლიტიკის კომიტეტის სხდომა, სადაც ოპოზიცია „თიბისი ბანკის“ საკითხის განხილვას ითხოვდა, ჩაიშალა. სხდომაზე კომიტეტის თავმჯდომარე რომან კაკულიამ დეპუტატებს განუცხადა, რომ ეროვნული ბანკის პრეზიდენტის არგუმენტები გაიზიარა, რომლის თანახმადაც "თიბისის" საქმის განხილვა საჯაროდ არ უნდა მომხდარიყო, რადგან ეს ბანკისთვის დამაზიანებელი იქნებოდა.  აღნიშნულმა ფაქტმა დეპუტატების ნაწილის უკმაყოფილება გამოიწვია. როგორც ოპოზიციის წევრებმა განაცხადეს, სხდომა უნდა გაგრძელებულიყო ღია ფორმატში, რათა საზოგადოებას საქმესთან დაკავშირებით დეტალური ინფორმაცია მიეღო და ბანკის დამფუძნებლებს პოზიციის დაფიქსირების შესაძლებლობა ჰქონოდათ. ხანგრძლივი კამათის შემდეგ, კომიტეტის თავმჯდომარე სხდომა დასრულებულად გამოაცხადა. მანვე პირობა დადო, რომ შესაბამის ფორმატში „თიბისის“ საკითხის განხილვა აუცილებლად შედგება და ყველა კითხვა იქნება დასმული. 

ავტორი: ,

სოციალური ქსელები

გულია: აფხაზეთს შეუძლია დღეში ათასი უპილოტო საფრენი აპარატით შეუტიოს საქართველოს და 10 დღეში გაიმარჯვოს

„რუმს ჰოტელსისა“ და „აჭარა ჯგუფის“ დამფუძნებელი თემურ უგულავა გარდაიცვალა

რუსეთი შავ ზღვაში თურქულ გემს თავს დაესხა, რასაც მსხვერპლი მოჰყვა

ერთი მოწვევა, ორი საჩუქარი - ახალი შესაძლებლობა თიბისის მობაილბანკში