ბოკერია: რომან კაკულიაზე ზეწოლა იყო - დაკვეთაა, რომ კობა გვენეტაძის სამარცხვინო გამოჩენა არ უნდა დაეშვათ -ექსპრესვიდეო

2019-02-26 15:04:56, 1678 ნახვა

კომენტარი

"ევროპული საქართველოს" წევრი გიგა ბოკერია მიიჩნევს, რომ დარგობრივი კომიტეტის თავმჯდომარე რომან კაკულიაზე უმრავლესობის მხრიდან ზეწოლა განხორციელდა.

ბოკერიას თქმით, ეს ფორმატი საჭირო იყო იმისთვის, რომ საზოგადოებას "თიბისი ბანკთან" დაკავშირებით არსებულ კითხვებზე პასუხი მიეღო. თუმცა, დეპუტატის განმარტებით, რომან კაკულია იძულებული იყო, პარტიის თავმჯდომარის ბიძინა ივანიშვილის დაკვეთა შეესრულებინა.

"სამარცხვინო ლუსტრაცია მოხდა კიდევ ერთხელ იმის, რომ ეს ყველაფერი მოდის არაფორმალური მმართველის ბიძინა ივანიშვილისგან, მხოლოდ მას აქვს ეს ძალაუფლება, მან გახსნა ეს სეზონი, ბოლომდე მიყავს საქმე, ისე, რომ ბოლომდე სამარცხვინო მდგომარეობაში აყენებს ინსტიტუტებს, დაწყებული ეროვნული ბანკის პრეზიდენტიდან, დასრულებული საპარლამენტო უმრავლესობის წევრებით, რომლებმაც პირდაპირ გვითხრეს, რომ არ უნდათ, კიდევ უფრო მკაფიოდ გამოჩნდეს, თუ როგორი სამარცხვინო კამპანია მიმდინარეობს ივანიშვილის დაკვეთით ერთ-ერთი მსხვილი საფინანსო ინსტიტუტის და ისი მმართველების წინააღმდეგ. ამ საქციელით კიდევ უფრო აშკარაა ის დაკვეთა, რომელიც შეასრულა კომიტეტმა, როცა არ მოგვცა საშუალება კითხვები დაგვესვა ეროვნული ბანკის პრეზიდენტისთვის და მოგვესმინა „თიბისი ბანკის“ ხელმძღვანელობისთვის. ეს არის მძიმე დარტყმა პარლამენტარიზმისთვის და ეს არის კიდევ ერთი დემონსტრირება იმის, რომ ივანიშვილის პოლიტიკური დაკვეთა სრულდება ყველა შტოს მიერ. აქამდე იყო პროკურატურა, შემდეგ იყო ეროვნული ბანკი და დღეს ეს იყო საპარლამენტო უმრავლესობა. რომან კაკულიაზე საპარლამენტო უმრავლესობის მხრიდან იყო პირდაპირი ზეწოლა. დაკვეთაა, რომ არ უნდა დაეშვათ კობა გვენეტაძის სამარცხვინო გამოჩენა. პარადოქსი იმაშია, რომ კიდევ უფრო ნათლად გამოჩნდა, თუ რა მძიმე ვითარებაში არიან ყველა ის ადამიანები, რომლებსაც ესმით, რომ უკანობას ჩადიან, მაგრამ იძულებულები არიან ასე მოიქცნენ", - განაცხადა გიგა ბოკერიამ.