ფრაქცია "საქართველოს პარტიოტების" თავმჯდომარის ირმა ინაშვილის განცხადებით, პარტიის მიერ მომზადებულ რეზოლუციაში, რომელიც "მიხეილ სააკაშვილის რეჟიმის" პოლიტიკურ-სამართლებრივ შეფასებას ითვალისწინებს, ახალი მუხლი დაემატება. 

ინაშვილის განმარტებით, ახალი მუხლი "ქართული ოცნების" იმ წევრების დასჯის მოთხოვნას ითვალისწინებს, რომლებმაც რეზოლუციის პირვანდელ სახეს მხარი არ დაუჭირეს. 

"შექმნილი ვითარება არანაირად ხელს არ შეუწყობს ქვეყანაში დემოკრატიას განვითარებას. ჩვენ არ უნდა ვუტოვებდეთ ასეთ ფაქტებს ჩვენს მომავალს. დღეს შინაგან უხერხულობას რა გვიქმნის?! - იმ ადამიანებს ვინც ერთად ვებრძოდით სააკაშვილის რეჟიმს, ის რომ დღეს მოსამართლეებზე, რომლებიც თვითონ შექმნეს, როგორც მანკიერი პროდუქტი, ლაპარაკობს დღეს ადეიშვილის ყოფილი მოადგილე, რომელიც ამ დარბაზშია, ლაპარაკობს ის ხალხი ვინც თვითონ შექმნა მურუსიძეების პროდუქტი - დღეს არ მოსწონთ. ჩვენ უფრო ფართოდ უნდა ვიყუროთ პროცესებს, ყველაფერი თქვენი, "ქართული ოცნების" ბრალია. ერთად იქნებით, გაიყოფით, ერთად ივლით, თუ დაიშლებით, ეს სულ სხვა საკითხია და თქვენი შიდა საკითხია. თქვენი პრობლემა ის არის, რომ თქვენ გადაარჩინეთ დამნაშავეები, ეს ხალხი პოლიტიკურ ველზე შემოიყვანეთ, როგორც თანაბარი უფლების მქონე, ეს ხალხი პარლამენტში კრისტალური სახით შემოგვთავაზეთ. ამიტომ, არის დღეს ირონიული ღიმილი რეზოლუციის ირგვლივ, ბატონ ბოკერიას სურს, რომ მისი გვარი [ბოკერია-სააკაშვილის რეჟიმი] წინ ეწეროს. ახლა "ქართულ ოცნებას" ვეუბნები, ჩვენ ბოკერია-სააკაშვილის რეჟიმზე ვსაუბრობთ, ვითხოვთ და მოვითხოვთ ამ რეჟიმის პოლიტიკურ-სამართლებრივ შეფასებას. დარწმუნებული ვარ, რომ დღეს თქვენ ჩააგდებთ ამ რეზოლუციას, ისევე როგორც ბესელიას ინიციატივას, მაგრამ გეუბნებით, რომ ჩვენ რეზოლუციას დაემატება შემდეგი პუნქტი - გასამართლდება "ქართული ოცნების" ყველა ის პირი, ვინც უღალატა ქართველ ხალხს და ვინც კოჰაბიტაცია გამოაცხადა ქართველი ხალხის წინააღმდეგ. ასეთი ტიპის რეზოლუცია გავა უკვე სხვა ხელისუფლების პირობებში და ასეთი რეზოლუცია გაითვალისწინებს იმას, რომ სააკაშვილი-ბოკერიების რეჟიმის დამნაშავეებთან ერთად, თქვენც იყოთ დასჯილები", - განაცხადა ირმა ინაშვილმა პარლამენტის პლენარულ სხდომაზე სიტყვით გამოსვლის დროს. 

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია