„ანაკლიის პორტს საფრთხე სახელმწიფოსგან ნამდვილად არ ემუქრება“, - ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა პარლამენტის პლენარულ სხდომაზე განაცხადა, სადაც დეპუტატების კითხვებს პასუხობს.

როგორც მინისტრმა აღნიშნა, მთავარია, ანაკლიის განვითარების კონსორციუმმა წარმატებით შეძლოს იმ ვალდებულებების შესრულება, რომელიც სახელმწიფოს წინაშე აქვს აღებული.

„ანაკლიის პორტთან დაკავშირებით ბევრი კითხვა იყო. ერთ-ერთი კითხვა იყო, ვთვლი თუ არა, რომ ეს პროექტი არის მნიშვნელოვანი საქართველოსთვის, რა თქმა უნდა ვთვლი და არ არის მხოლოდ ჩემი მოსაზრება. მე ასევე მინდა შეგახსენოთ, რომ სწორედ საქართველოს მთავრობის გადაწყვეტილებით მოხდა ინტერესთა გამოხატვა ამ პორტის მშენებლობასთან დაკავშირებით. ინტერესთა გამოხატვა გამოცხადდა 2014 წელს. მას შემდეგ საკმაოდ ხანგრძლივი პროცესი იყო, 10 კოპმანიიდან გამარჯვებულად იქნა გამოვლენილი ანაკლიის განვითარების კონსორციუმი. ამდენად, უშუალოდ მთავრობაა ამ პროექტით დაინტერესებული. ასევე კითხვა იყო, ამ პროექტს ემუქრება თუ არა საფრთხე. მინდა გითხრათ, რომ ჩვენგან ყოველ შემთხვევაში ამ პროექტს საფრთხე არ ემუქრება. მთავარია, უშუალოდ ანაკლიის განვითარების კონსორციუმმა წარმატებით შეძლოს იმ ვალდებულებების შესრულება, რომელიც მათ აქვთ აღებული სახელმწიფოს წინაშე“, - განაცხადა მაია ცქიტიშვილმა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია