ვერეს ხეობაში ოთხი სამშენებლო ნებართვიდან ორი გაუქმებულია, ხოლო დანარჩენი ორი პროექტი დაკორექტირდა. ამის შესახებ დედაქალაქის მერმა კახა კალაძემ განაცხადა.

მისი თქმით, გადაწყვეტილება მას შემდეგ იქნა მიღებული, რაც ვერეს ხეობის რევიზია განხორციელდა და დადგინდა, რომ ნებართვები არასწორად იყო გაცემული.

„ერთი ობიექტი იყო სასწრაფო დახმარების ცენტრთან ახლო, ახალ გზასთან; მეორე იყო გვირაბიდან გამოსასვლელ გზასთან, რომელიც განსაკუთრებული რეკრეაციული ზონაა და ორი ობიექტი იყო „იკეას“ შენობის მიმდებარე ტერიტორიაზე. ჩვენ ორზე გავაუქმეთ ნებართვები, რადგან არასწორად იყო გაცემული - არ შეესაბამებოდა იმ სტატუსს, რასაც ის მიწები ითვალისწინებდა, ხოლო რაც შეეხება ორ შენობა-ნაგებობას - ერთი არის სავაჭრო ცენტრი და მეორეა სასტუმრო. ეს ორი პროექტი შეთანხმებული იყო, თუმცა ჩვენი ჩართულობით, ერთის შემთხვევაში შემცირდა მოცულობა - დაახლოებით 30 000 კვადრატი უნდა აშენებულიყო და 20 000-ზე ჩამოვიდა, ხოლო მეორე შემთხვევაში გასწორდა, რომ არსებულ მიწის ნაკვეთზე ნარგავები მაქსიმალურად შენარჩუნდეს“, - განმარტა კახა კალაძემ.

თბილისის მერის თქმით, გარემოს ეროვნული სააგენტოს მიერ ჩატარებული კვლევის საფუძველზე არსებობს დასკვნები, რომ ამ კონკრეტულ მონაკვეთებზე მშენებლობა პრობლემას არ წარმოადგენს.

„13 ივნისის ტრაგედიის შემდეგ ამ საკითხში ჩართული იყო სხვადასხვა საერთაშორისო საფინანსო ორგანიზაციები, რომლებმაც პირდაპირ მიგვითითეს, რომ აუცილებელი იყო გარკვეული ღონისძიებების გატარება. კერძოდ, ვერეს ხეობის კალაპოტში ნატანდამჭერი ცხაურების დამონტაჟება და განგაშის სისტემა, რომელიც მიწა ჩამოშლის შემთხვევაში მოგვცემდა სიგნალს. ეს რეკომენდაციები გათვალისწინებული იქნა და პროექტები განხორციელდა“, - განაცხადა კახა კალაძემ.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია