საპარლამენტო უმრავლესობის წევრის ეკა ბესელიას თქმით, დღევანდელი სხდომა ნაყოფიერი იყო.

როგორც მან აღნიშნა, მმართველი გუნდი შეჯერდა პრინციპულ საკითხებზე, თუმცა დარჩა კონკრეტული საკითხები, რაზეც მსჯელობა გაგრძელდება.

„დღევანდელი შვიდსაათნახევრიანი შეხვედრა არ იყო იოლი და ბუნებრივია, იყო საინტერესო, ძალიან დაძაბული და ამავე დროს საქმიანი. დღეს პრაქტიკულად ამოვწურეთ დღის წესრიგში რაც გვინდოდა გაგვევლო. მთავარი ის არის რომ დღესაც პროცესის მოდერაციას ახდენდა ბიძინა ივანიშვილი, მას ისევ ისეთივე პოზიცია და განწყობა ჰქონდა როგორც გუშინ და ამ მოდერაციას დროს მან მაქსიმალური ენერგია დახარჯა, რომ კონსტრუქციულ რეჟიმში გადაეყვანა პროცესი და მაქსიმალურად დაახლოვდეს ის პოზიციები რაც განგვასხვავებს ჩვენ. მართლაც ბევრი დრო და ენერგია დაიხარჯა ამისთვის და ღირდა, რადგან ძალიან რთულ საკითხს ვეხებით, ეს არ არის მხოლოდ უზენაეს სასამართლოს მოსამართლეების სია, ეს არის ქვეყნის განვითარებისა და მომავლის ხედვა. ყველაფერზე ვერ დავასრულეთ საუბარი, მაგრამ შევჯერდით იმაზე რომ ღიად დარჩენილი რამდენიმე საკითხი გაგრძელდება ამ საკითხებზეც შემდგომში მუშაობა. არის საკითხები, როდესაც უკვე გადავედით კონკრეტულ პროექტზე, მოსაზრებები როდესაც ერთმანეთს გავუზიარეთ, არის საკითხები, რომელზეც გვაქვს ერთნაირი პოზიცია, მაგრამ არის საკითხები,  რომელიც ჩემთვის პრინციპულია, რასაც ვერ შევცვლი ვერცერთ შემთხვევაში და დარჩება ჩემი მეგობრებისთვის პრინციპულ საკითხად და გავაგრძელებთ ამაზე დისკუსიას. რა არის ეს საკითხები:  პრინციპულია ის რომ პარლამენტში გადმოვიდეს მთელი ეს პროცესი, გარდა იმ ნაწილისა, რომელიც კონსტიტუციით ეხება იუსტიციის საბჭოს. საბჭომ უნდა წარმოადგინოს სია, მაგრამ მე პირადად მიმაჩნია, რომ ეს უნდა იყოს უფრო გრძელი სია, ვიდრე 10 ადამიანია. საბჭოსადმი ნდობა არ არის მაღალი. არის ძალიან კრიტიკული მოსაზრებები საბჭოს გადაწყვეტილებების მიმართ,  ამიტომ მიმაჩნია, რომ პარლამენტმა უნდა აიღოს მთავარი მანდატი. ამაზე გვაქვს განსხვავებული ხედვა  და ვთქვით, რომ ეს საკითხი კიდევ უნდა გავაგრძელოთ სამსჯელოდ", - აღნიშნა ეკა ბესელიამ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია