ექიმის ცემაში ბრალდებულ მსახიობს, რევაზ ნასიძეს 5 000-ლარიანი გირაო შეეფარდა

2019-01-09 20:13:50, 2100 ნახვა

სამართალი

ექიმის ცემის ბრალდებით დაკავებულ მსახიობს, რევაზ ნასიძეს აღკვეთის ღონისძიების სახით 5 000-ლარიანი გირაო შეეფარდა.

გადაწყვეტილება მოსამართლემ ცოტა ხნის წინ გამოაცხადა.

მსახიობი გირაოს გადახდამდე ბადრაგების მეთვალყურეობის ქვეშ იქნება.

სასამართლო პროცესი ნასიძის ჯანმრთელობის მდგომარეობის გამო, ვახგანგ ბოჭორიშვილის სახელობის კლინიკაში გაიმართა. მსახიობი კლინიკაში პნევმონიის დიაგნოზით არის მოთავსებული.

შეგახსენებთ, ინციდენტი კლინიკაში რამდენიმე დღის წინ მოხდა. გამოძიება სისხლის სამართლის კოდექსის 120-ე მუხლით მიმდინარეობს, რაც ჯანმრთელობის განზრახ მსუბუქ დაზიანებას გულისხმობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები