ირაკლი ნადირაძემ ღამის ეკონომიკის განვითარება პირდაპირ ნარკოტიკებს დაუკავშირა, რაც კატეგორიულად მიუღებელია ჩემთვის, - ამის შესახებ თბილისის მერმა კახა კალაძემ საკრებულოს სხდომაზე განაცხადა, სადაც დეპუტატების კითხვებს პასუხობს.

როგორც კალაძემ აღნიშნა, ნარკოტიკებთან ბრძოლისა და მომავალ თაობებში ჯანსაღი ცხოვრების წესის პუპულარიზაციისთვის ერთობლივი მუშაობაა საჭირო.

„გაქცეულ ნადირაძეს მაინც ვალდებული ვარ უპასუხო. დარწმუნებული ვარ, თითოეული ჩვენთაგანისთვის, განურჩევლად პარტიული კუთვნილებისა, ნარკოტიკები ცუდია და ყველამ ერთად უნდა ვიმუშაოთ, ვებრძოლოთ ამ მიმართულებას. უნდა ავუხსნათ ჩვენს შვილებს, მომავალ თაობებს, რამდენად ცუდია ნარკოტიკების ზემოქმედება. ყველაფერი უნდა გავაკეთოთ, რომ შთავაგონოთ, რამდენად მნიშვნელოვანია ჯანსაღი ცხოვრების წესი და სწორად ცხოვრება. რა თქმა უნდა ღამის ეკონომიკა განვითარდება. ის კლუბებიც განვითარდება, რომელიც ელექტრონული მუსიკით არის დაინტერესებული და პირველი, ზუსტად ეს კლუბებია დაინტერესებული იმით, რომ რაც შეიძლება მეტი ჯანსაღი ცხოვრების წესი დაინერგოს, მეტი ახალგაზრდა იყოს ჩართული ამაში და არა ნარკოტიკებში“, - განაცხადა კახა კალაძემ.

შეგახსენებთ, „ნაციონალური მოძრაობის“ წევრმა ირაკლი ნადირაძემ თბილისის მერს რამდენიმე შეკითხვა დაუსვა, მათ შორის ღამის ეკონომიკის განვითარებასთან დაკავშირებით: „მას შემდეგ, რაც თქვენ ღამის ეკონომიკის განვითარება დააანონსეთ, ბატონი გახარია გამოვიდა და ლამის თავზე ჩამოიქცა ის მთავარი ობიექტები, რომელზეც ფაქტიურად დგას ეს ე.წ. ღამის ეკონომიკა ქალაქში. თვლით თუ არა, რომ ეს იყო თქვენი წარუმატებელი პროექტი და როგორ ფიქრობთ, ერთი ავტობუსი რომ დადის პარასკევი-შაბათი-კვირა ახმეტელიდან ვარკეთილამდე ეს ააღორძინებს ღამის ეკონომიკას?“.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია