საპრეზიდენტო არჩევნების მეორე ტურის დამკვირვებლების მიერ დასახელებულ მოსყიდვის სავარაუდო ფაქტებზე პროკურატურამ გამოძიება ბათუმის, ქარელისა და აბაშის საარჩევნო უბნებზე მომხდარ დარღვევებთან დაკავშირებით დაიწყო.

როგორც "ექსპრესნიუსს" უწყებიდან აცნობეს, აჭარის  პროკურატურაში ორ შემთხვევაში გამოძიების დაწყებას საფუძვლად არასამთავრობო ორგანიზაცია "საერთაშორისო გამჭვირვალობა საქართველოს" მიერ გამოქვეყნებული ინფორმაცია დაედო, რომლის მიხედვითაც ბათუმის 79-ე საარჩევნო ოლქის 90-ე  და მე-11 უბნებზე სავარაუდოდ  ადგილი ჰქონდა ამომრჩევლის მოსყიდვის ფაქტს. 

მათივე ცნობით, ბათუმის 79-ე საარჩევნო ოლქის მე-4 უბანზე ამომრჩევლის  სავარაუდო მოსყიდვის ფაქტთან დაკავშირებით კი გამოძება დაიწყო  ტელეკომპანია ,,რუსთავი 2"-ზე გასული სიუჟეტის საფუძველზე.

შიდა ქართლისა და მცხეთა მთიანეთის პროკურატურა  #33 ქარელის საარჩევნო ოლქის # 1 საარჩევნო უბნის მიმდებარე ტერიტორიაზე ამომრჩევლის სავარაუდო მოსყიდვის ფაქტს იძიებს.
ოთხივე შემთხვევაში გამოძიება სსკ-ის 164 პრიმა მუხლით მიმდინარეობს.

ავტორი: ,

სოციალური ქსელები

კობახიძე: ფოთში საფუძველს ვუყრით ახალი ნავმისადგომის მშენებლობას, უმნიშვნელოვანესია

SJC: რუსეთის მიერ ცხინვალის რეგიონის ფაქტობრივი ანექსია უფრო აგრესიულ ეტაპზე გადავიდა

„თეგეტამ“ „დეილი ჯგუფს“ საოპერაციო ლიზინგის ფარგლებში FAW-ის 50 სატვირთო ავტომობილი მიაწოდა

ბერა ივანიშვილზე დაწერილი პოსტის გამო, ნატა ფერაძე სასამართლოში დაიბარეს