„არასამთავრობო ორგანიზაციების განცხადებები  იმის შესახებ,  რომ  მთავრობა არალეგალურად პირადობის მოწმობებს  ბეჭდავს არჩევნების გასაყალბებლად, ისე რომ  არ არის მითითებული ფაქტები და წყაროები, ეჭვქვეშ აყენებს მათი საზოგადოებრივი ნდობის საკითხს“, - ამის შესახებ ანალიტიკოსმა ზვიად აბაშიძემ განაცხადა.

 მისი თქმით, ეს ფაქტი სამწუხაროა, რადგან  ჩვენსავით ახალბედა დემოკრატიებისთვის მეტ-ნაკლებად ქმედითი სამოქალაქო საზოგადოების არსებობა ლიბერალური დემოკრატიის აშენების ერთ-ერთ მთავარ იმედს წარმოადგენს.

 „მესამე სექტორმა  წესით, ხელი უნდა შეუწყოს დემოკრატიის მშენებლობას და საზოგადოებრივი ნდობის ამაღლებას.  ამასთან, ფხიზლად ედგნენ მთავრობას მოდარაჯედ. თუ გავლენიანი არასამთავრობო სექტორი საჯარო პროცესში, როგორც პოლიტიკური სუბიექტი ისე დაიწყებს წარმოჩენას, ამით ნამდვილად დაასუსტებს სამოქალაქო საზოგადოების მშენებლობას და დააკნინებს მის  დადებით აღქმას ფართო საზოგადოებაში“,- გნაცხადა ზვიად აბაშიძემ, რომლის აზრით,  ხშირია შემთხვევები, როდესაც არასამთავრობო სექტორი  პოლიტიკური პროცესის თანამონაწილე  ხდება პოლიტიკური პარტიებისა და სხვა პოლიტიკური სუბიექტების მსგავსად, რაც მათ როლს, სამწუხაროდ,  არც თუ სახარბიელოდ წარმოაჩენს.

„მისასალმებელია თუ არასამთავრობო ორგანიზაციები შესძლებენ შექმნან ერთგვარი გამტარი საჯარო-პოლიტიკურ პროცესსა და ადამიანის კერძო საქმიანობას შორის. მიუღებელია,  თუ მათი მხრიდან ჩვენ მივიღებთ დაინტერესებულ მხარეს“, - განაცხადა ზვიად აბაშიძემ.

(NS)

ავტორი: ,

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის