28 ოქტომბერს წერტილი დავუსვათ იმ სიბინძურეს, რომ ვერ ვირჩევთ საკუთარ მომავალს უარესობის შიშით, - ამის შესახებ „ევროპული საქართველოს“ პრეზიდენტობის კანდიდატმა დავით ბაქრაძემ განაცხადა.

ამასთან, პრეზიდენტობის კანდიდატი გავრცელებული ჩანაწერების საკიტხსაც გამოეხმაურა და აღნიშნა, რომ საქართველო ერთი და იგივე წრეზე დადის.

„კიდევ ერთხელ ვიხილეთ ჩანაწერების მორიგი ციკლის დაწყება საქართველოში და მინდა ვუთხრა თითოეულ იმ ადამიანს, ვისაც ყელში ამოუვიდა ეს სიბინძურე, თითოეულ იმ ადამიანს, ვისაც აღარ უნდა ერთი და იგივე წრეზე სიარული და აღარ უნდა დღევანდელი ცუდი ცხოვრების არჩევა მომავალი უარესობის და არეულობის შიშით. 28 ოქტომბერს ყველა უნდა მოვიდეთ არჩევნებზე და წერტილი დავუსვათ ამ სიბინძურეს. წერტილი დავუსვათ იმას, რომ ვერ ვირჩევთ საკუთარ მომავალს უარესობის შიშით; წერტილი უნდა დავუსვათ იმას, რომ თურმე დღევანდელი ჭაობის და უძრაობის ალტერნატივა არის მხოლოდ არეულობა, ქაოსი და რევოლუცია. არ არის ასე! ჩვენ გვაქვს არჩევანი და მე ვპირდები ჩვენს ამომრჩეველს და ხალხს: აუცილებლად ამოვიყვანთ ქვეყანას ამ უძრაობიდან და ამას გავაკეთებთ ყოველგვარი არეულობის ყოვლეგვარი რევოლუციის ყოველგვარი შურისძიების გარეშე. ეს არის გზა წინ და სწორედ ამისთვის უნდა გამოვიყენოთ 28ოქტომბრის არჩევნები,“ - განაცხადა ბაქრაძემ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა