„თუ ადრე ხელისუფლება ბიზნესს აშანტაჟებდა, მათ შორის მედიას, დღეს გვაქვს პირიქით, რომ ბიზნესი ცდილობს ხელისუფლების შანტაჟს, მაგრამ ასე სჯობს“, - ამის შესახებ ყოფილმა პრემიერ-მინისტრმა, „ქართული ოცნების“ თავმჯდომარე ბიძინა ივანიშვილმა ჟურნალისტებთან შეხვედრისას განაცხადა.

როგორც მან აღნიშნა, მისი პოლიტიკაში დაბრუნების მთავარი მიზეზი ის გახდა, რომ გუნდი დასუსტებული იყო არ გააჩნდა იმის რესურსი, რომ სახელმწიფო დემოკრატიული მეთოდებით ემართა.

„დემოკრატიული მეთოდებით სახელმწიფოს მართვა არის ძალიან რთული, ამას სჭირდება ძალიან ძლიერი გუნდი. გუნდში ვერტიკალი იყო სუსტი და მე ეს ვთქვი რამდენჯერმე, მარჯვენამ არ იცოდა მარცხენა რას აკეთებდა ძალიან ხშირად (გუნდის წევრები), ამის რესურსი გუნდს არ გააჩნდა იმდენად რთულია ღარიბი სახელმწიფოს დემოკრატიული მეთოდებით მართვა. საერთოდ, მდიდარი სახელმწიფოს მართვაც გაცილებით რთულია დემოკრატიული მეთოდებით, ვიდრე დიქტატურით. თითქოს ის, რომ თუ ადამიანი რაიმე დანაშაულს ჩაიდენს მას შეიძლება სახელმწიფომ მოსთხოვოს პასუხი მათ შორის ძალის გამოყენებითაც, თითქოს ეს იკარგებოდა. ამის მაგალითია რაც მოხდა იბერიასა და ოქუაშვილთან დაკავშირებით. კაცი არ იხდის იმას, რაც ბიუჯეტში გადასახდელია და აშანტაჟებს ხელისუფლებას. ახლა პირიქით ხდება, მაგრამ ასე სჯობს“, - განაცხადა ივანიშვილმა.

მანვე აღნიშნა, რომ 1 წელიწადში გუნდს ახალი, ძლიერი ხალხით გაამაგრებს და გააუმჯობესებს:

„ამას გამკლავება უნდა სუფთა ხელებით, დემოკრატიული პრინციპებით, მაგრამ არ უნდა მოხდეს ის, რომ უჭირს გამკლავება და და რაღაც სხვა მეთოდებს მიმართოს. ასეთ ფორმებსაც სჭირდება ძალიან ვერტიკალი, კარგი მენეჯმენტი, გუნდის ძალიან სწორი და უფრო გასუფთავებული შერჩევა. ყველას თავისი ადგილი და ფუნქციები უნდა ჰქონდეს და რაც მთავარია, საჭიროა სინქრონიზაცია გუნდში. თვითონ პარტია, რომელიც არის პრაქტიკულად უმოქმედო, 1 წელიწადში აბსოლუტურად ახალი, ძლიერი ხალხით გავაუმჯობესებ და გავამაგრებ“, - განაცხადა ბიძინა ივანიშვილმა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა