მთავრობა გვიმტკიცებს, რომ დღეს ლარის კურსი არის თავისუფალ ცურვაში. სინამდვილეში თავისუფალ ცურვაში არის დღეს ქვეყანა იმიტომ, რომ ქვეყანას და ხალხს არ ჰყავს არც პატრონი, არც მიმხედავი, არც პასუხის გამცემი - ამის შესახებ „ევროპული საქართველოს“ პრეზიდენტობის კანდიდატმა დავით ბაქრაძემ ლარის გაუფასურებასთან დაკავშირებით განაცხადა.

როგორც ბაქრაძემ აღნიშნა, ლარის გაუფასურება იწვევს პროდუქტის, კომუნალური გადასახადების, საწვავის და კრედიტის გაძვირებას, რის საფასურსაც ხალხი იხდის.

„მთელი ის არაკომპეტენტურობა, რასაც ვხედავთ მთავრობის მხრიდან: ეკონომიკური განვითარების არარსებობა, კორუფცია, მაფიოზური მეთოდებით მართვა და წილები - ეს ყველაფერი აისახება ლარის კურსზე და ეს ყველაფერი ტყდება ჩვენი მოსახლეობის გაჭირვებაზე. ლარის გაუფასურება იწვევს პროდუქტის გაძვირებას, იწვევს კომუნალურების გაძვირებას, იწვევს საწვავის გაძვირებას, კრედიტის გაძვირებას - ამ ყველაფრის ფასს იხდის დღეს ჩვენი ხალხი. მთავრობა კი არაფერს აკეთებს და პასუხსაც კი არ სცემს, თუ როგორ უნდა გამოსწორდეს ვითარება. ამიტომ ერთადერთი გამოსავალი გახლავთ არჩევნების გზით ამ ხელისუფლების სახლში გაშვება და კომპეტენტური მთავრობის მოყვანა, რომელიც შეძლებს ქვეყანაში ვითარების შეცვლას, შეძლებს ეკონომიკურ განვითარებას და ამით დაიცავს ჩვენს მოსახლეობას გაუფასურებული და გაძვირებული ცხოვრებისგან“, - განაცხადა დავით ბაქრაძემ. 

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა