სასჯელაღსრულების ყოფილი მინისტრი, მთავრობის ადმინისტრაციის უფროსი კახა კახიშვილი, გუშინ გავრცელებულ ფარულ ჩანაწერს გამოეხმაურა, სადაც სავარაუდოდ, მირზა სუბელიანი მის წინააღმდეგ არსებულ კომპრომატებზე საუბრობს.

როგორც კახიშვილმა ჟურნალისტებს განუცხადა, მასსა და მირზა სუბელიანს შორის პირობებთან დაკავშირებით საუბარი არ ყოფილა.

„ჩემსა და მირზა სუბელიანს შორის არანაირი შეხვედრა პირობებთან დაკავშირებით საერთოდ არ ყოფილა. როდესაც ბატონი მირზა სუბელიანი დააკავეს მაშინ წყდებოდა მისი განთავსების საკითხი, რა თქმა უნდა, მე გახლდით მინისტრი და შემითანხმეს რომელ დასწესებულებაში უნდა  იყოს განთავსებული  იყო საუბარი მეცხრე ან მერვე დაწესებულებაზე. თავიდან განთავსდა მე-9  დაწესებულებაში, შემდეგ გადავიდა მისივე სურვილით, უისაფრთხობის ზომებიდან გამომდინარე მე-8 დაწესებულებაში, ვიზუალური მეთვალყუირეობის პირობებში,  იქაც აღნიშნავს რომ არ იყო კმაყოფილი ვიზუალური მეთვალყურეობის გამო“, - განაცხადა კახიშვილმა.

შეგახსენებთ, გუშინ, „რუსთავი 2“-მა მორიგი ფარული ჩანაწერი გაავრცელა, რომელშიც სავარაუდოდ, მირზა სუბელიანი და დეპუტატი ვიქტორ ჯაფარიძე საუბრობენ. ჩანაწერის მიხედვით, სუბელიანი ამბობს, რომ დაკავებამდე სასჯელაღსრულების იმ დროინდელ მინისტრს, კახა კახიშვილს შეხვდა, მისგან პატიმრობის განსაკუთრებულ პირობებს მოითხოვდა და ფარული მასალებით აშანტაჟებდა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა