"გირჩის" პრეზიდენტობის კანდიდატი ზურაბ ჯაფარიძე პარტია "ნაციონალურ მოძრაობას" კანაფის თემით პოლიტიკური დივიდენდების მოპოვებაში ადანაშაულებს. 

ჯაფარიძის თქმით, "ნაციონალური მოძრაობის" წევრები ფარისევლები არიან, რადგან მათთან ერთად მისივე მტკიცებით, არაერთხელ მოუწევია.

"ენმ-ამ საარჩევნო დროშად აქცია კანაფის თემა. იდეებისგან სრულიად დაცლილმა და დაღმართზე ტემპ-აკრეფილმა პარტიამ გადაწყვიტა ამ თემით მოახდინოს პოლიტიკური დივიდენდების მოპოვება და საპატრიარქოსთან ჩახუტება. "კონსტიტუციაში ჩაიწეროს", "კანაფის რესპუბლიკა", "დემოგრაფია" თვალსა და ხელს შუა გადაიქცნენ კოლექტიურ სოფო კილაძეებად. ჰოდა, ვინც ამ ფარისეველ ხალხს უსმენთ: ენმ-ის ნახევარ პოლიტსაბჭოსთან ერთად მაქვს მოწეული, თან არაერთხელ, მათ შორის იმათთანაც ვინც დღეს ყველაზე აქტიურად ითხოვენ "მომავალი თაობის გადარჩენას" კანაფისგან. იმ 2 წლის განმავლობაში, როცა მაგ პარტიაში ვიყავი, არაერთი პოლიტსაბჭოს წევრი გვთხოვდა მოსაწევს თითქმის რეგულარულად (ვაძლევდით ან ვაწევინებდით ცხადია). რამდენიმე წევრი სახლში ზრდიდა და სავარაუდოდ დღესაც ზრდის კანაფს პირადი მოხმარებისთვის (აქეთაც გვაწევინებდნენ). ეგეთი ხალხი არიან - ძალაუფლების ხელში ჩაგდების გულისთვის მზად არიან საკუთარი პრეზიდენტობის კანდიდატის მხრიდან "პედოფილის" დაძახება აიტანონ.  მერე ძმაკაცებთან ერთად მოწიონ და იბაზრონ კაცობაზე, ძმობაზე და გაგებაზე", - წერს პრეზიდენტობის კანდიდატი. 

ავტორი: ,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება