„დავით ჭიჭინაძემ გუნდს გარეთ დააყენა საკუთარი თავი და სამდივნომ მისი პოზიცია გააფორმა“, -ასე გამოეხმაურა პრემიერ-მინისტრის მრჩეველი და „ქართული ოცნების“ პოლიტსაბჭოს წევრი სოზარ სუბარი, დეპუტატ დავით ჭიჭინაძის პარტიიდან გარიცხვის გადაწყვეტილებას.

მისი განმარტებით, უმრავლესობის ყოფილი წევრის განცხადებები პარტიაში ხელოვნური კრიზისის შექმნის მცდელობა იყო.

„ბოლო პერიოდში ჭიჭინაძის განცხადებებს ვუსმენ, ის არავის არ გაურიცხავს. მან თავი დააყენა გუნდის გარეთ და პარტიის სამდივნომ გააფრომა ის პოზიცია, რა პოზიციაც ეკავა ჭიჭინაძეს. მან არაერთხელ თქვა, ბოლო პერიოდში, რომ გამოაცხადოს პარტიამ თვითდათხოვნა, უნდა ჩატარდეს ვადამდელი არჩევნები, რომ არის კრიზისი და ასე შემდეგ... მაშინ როცა არაფერი მსგავსი არ ხდება, ეს აბსოლუტურად გაუგებარია, ეს არის ხელოვნური კრიზისის შექმნის მცდელობა“, - აღნიშნა სოზარ სობარმა.

ცნობისთვის, მპგ „ქართული ოცნება - დემოკრატიული საქართველოს“ სამდივნომ პარტიიდან დავით ჭიჭინაძის გარიცხვის გადაწყვეტილება მიიღო.

როგორც განცხადებაშია აღნიშნული, „გასული რამდენიმე თვის განმავლობაში მპგ „ქართული ოცნება - დემოკრატიული საქართველოს“ და საპარლამენტო უმრავლესობის წევრმა, დავით ჭიჭინაძემ გააკეთა არაერთი საჯარო განცხადება, რომლითაც მან შეურაცხყოფა მიაყენა პოლიტიკური გუნდის წევრებს და ზიანი მიაყენა პარტიის იმიჯსა და ინტერესებს“.

ავტორი: ,

სოციალური ქსელები

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო

20 ივნისის საქმეზე გიორგი გახარიას წინააღმდეგ მაკო გომურმა სასამართლოს ჩვენება მისცა