2015-06-02 11:11:30, 404 ნახვა
პოლიტიკა
ზაქარია ქუცნაშვილი: სააკაშვილი ჭკუაზე არ არის, ისე უხარია ოდესაში სეირნობა
საპარლამენტო უმრავლესობის წევრი ზაქარია ქუცნაშვილის განცხადებით, საქართველოს ექს–პრეზიდენტს მიხეილ სააკაშვილს უვიზო მიმოსვლის უფლება აქვს და შეუძლია, ქვეყანაში უვიზოდ ჩამოვიდეს.
თუმცა, დეპუტატის მოსაზრებით, მიხეილ სააკაშვილი საქართველოში ჩამომსვლელი არ არის.
„მას, როგორც უცხოელს, აქვს უვიზოდ მიმოსვლის უფლება. ჩვენ, უკრაინასთან უვიზო ურთიერთობის ხელშეკრულება გვაქვს. მას საქართველოში შეუძლია, უვიზოდ ჩამოვიდეს, მაგრამ სად არის სააკაშვილი საქართველოში ჩამომსვლელი?! როცა პრეზიდენტი იყო, მაშინ არ იყო საქართველოში და ახლა, როცა პრეზიდენტი არ არის, საქართველოში ნახავთ მას? კაცი ჭკუაზე არ არის, ისე უხარია ლამაზ ოდესაში სეირნობა“, – განაცხადა ქუცნაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
