კაპანაძე: იოსებ სიგუამ სამედიცინო ცნობა წარმოადგინა, თუმცა კომისიაზე მოსვლა აუცილებლად მოუწევს

2018-07-07 11:10:52, 853 ნახვა

კომენტარი

თბილისის პოლიციის დეპარტამენტის დეტექტივების სამმართველოს უფროსი იოსებ სიგუა, ხორავას ქუჩის საქმის შემსწავლელი პარლამენტის დროებითი საგამოძიებო კომისიის სხდომაზე დღესაც არ გამოცხადდა.

როგორც კომისიის თავმჯდომარე სერგი კაპანაძემ აღნიშნა, სიგუამ სამედიცინო ცნობა წარმოადგინა, თუმცა როდესაც გამოჯანმრთელდება, გამოკითხვაზე მისვლა მაინც მოუწევს.

„ბატონმა სიგუამ წარმოადგინა სამედიცინო ცნობა. მე არ შევალ ამ ცნობის დეტალების განხილვაში, თუმცა კიდევ ერთხელ ვიმეორებ, როდესაც ბატონი სიგუა მოახერხებს, მას აუცილებლად მოუწევს კომისიაზე მოსვლა და კითხვებზე პასუხის გაცემა“, - განაცხადა კაპანაძემ.

ცნობისთვის, ხორავას ქუჩის საქმეზე შინაგან საქმეთა სამინისტროს წარმომადგენლები დღეს უკვე მესამედ იკითხებიან. საგამოძიებო კომისიის სხდომაზე კითხვებს გამომძიებელი ირაკლი ფიფია და თბილისის პოლიციის დეპარტამენტის უფროსის შალვა ბედოიძე პასუხობენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები