ხორავას ქუჩაზე გასული წლის 1 დეკემბერს მომხდარი კონფლიქტის დროს, ერთ-ერთი მოზარდის, მიხეილ კალანდიას მხრიდან მკვლელობაში თანამონაწილეობა არ იკვეთება, - ასე უპასუხა საქმის პროკურორმა ზვიად ფხაკაძემ საგამოძიებო კომისიის მდივნის, ოთარ კახიძის შეკითხვას - „როდესაცდავით სარალიძეს ორი პირი დანას ურტყამს, ხოლო მიხეილ კალანდიას ის ხელით ყავს გაკავებული, არის თუ არა ეს მკვლელობაში თანამონაწილეობა?“.

როგორც ფხაკაძემ განმარტა, დანაშაული, რომელიც შეიძლება კალანდიას ჩაედინა, შესაძლოა, მხოლოდ ცემის მუხლით დაკვალიფიცირდეს.

„მ.კ. როდესაც მიდის ფარდულამდე, სასამართლო სხდომის ოქმებში რაც ფიქსირდება იმის ციტირებას ვახდენ, იმ მომენტში უკვე გ.ბ.-ს, ჩვენი ვერსიით, დაჭრილი ჰყავს დათო სარალიძე, შესაბამისად, საქმის გარემოებებით, არ დასტურდება, რომ გ.ბ. როდესაც დანას არტყამს დათო სარალიძეს, იქვე იმყოფება მ.კ. და ურტყამს მუშტებს სარალიძეს. როგორც კი მ.კ. მიდის ფარდულთან, გ.ბ. შემობრუნებულ დათოს არტყამს და გადადის „პასატის“ ავტომანქანის მიმართულებით. მ.კ. თვითონ საუბრობს და განმარტავს, რომ გ.ჯ. როდესაც ურტყამს დათოს, ექაჩება და მარცხენა მხარეს ურტყამს ხელს. ამის განზრახვა და მიზეზ-შედეგობრივი კავშირი რა არის? კალანდიას მიზანი ის კი არ არის, რომ დაუჭიროს და გაუკავოს სარალიძეს ხელი, მისი მიზანი არის, რომ მოაშოროს დათო სარალიძე გ.ჯ.-ს, რომელიც დაბლა ყავს დაჭერილი ხელებით. რაც შეეხება სიტყვას „მოეშვა“ კალანდიას ჩვენებაში იმიტომ წერია, რომ ამ დროს დათო უკვე დაჭრილია, ბარძაყიდან სდის სისხლი. რამდენიმე წამში უკვე რეფლექსების მოდუნებას იწვევს ეს დაზიანება. ჩვენ ამ ყოველივედან გამომდინარე მიგვაჩნია, რომ თანამონაწილეობა სახეზე არ არის. სხვა დანაშაულს რაც შეეხება, ცემის ფაქტს შეიძლება ჰქონდა ადგილი“, - განაცხადა ზვიად ფხაკაძემ.

ცნობისთვის, ხორავას ქუჩაზე მოზარდების მკვლელობის საქმის შემსწავლელი პარლამენტის დროებითი საგამოძიებო კომისიის სხდომაზე პროკურორ ზვიად ფხაკაძის და შსს-ს წარმომადგენლის, კახა სირაძის გამოკითხვა მიმდინარეობს.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს