ანტისამთავრობო აქციის ერთ-ერთი ორგანიზატორი ზვიად კუპრავა და მასთან ერთად დაკავებული კიდევ 3 პირი, გაათავისუფლეს. 

როგორც კუპრავამ გათავისუფლების შემდეგ ჟურნალისტებს განუცხადა, საბოლოო მიზანი ჯერჯერობით მიღწეული არ არის და ბრძოლა გრძელდება.

“14 დღე მე ვიყავი გახარია-ივანიშვილის პირადი პატიმარი. ჩემი დაკავების ერთადერთი მიზანი იყო საპროტესტო მუხტის დახშობა და იმ პროცესის განეიტრალება, რაც ხდებოდა რუსთაველზე. სხვა ახსნა ამას არ გააჩნია. ამ ბრძოლამ, ამ შეუპოვრობამ თავისი შედეგი გამოიღო და ხელისუფლება შეიცვალა. თუმცა, როგორც აღმოჩნდა, ეს ყველაფერი არის ფორმალობა, რადგან მხოლოდ კვირიკაშვილი შეიცვალა კვირიკაძეთი. დამნაშავეები დაუსჯელები არიან, მართალია, სისტემა მორყეულია, მაგრამ ჯერ კიდევ ფეხზე დგას, ამიტომ ბრძოლა სისტემის წინააღმდეგ გაგრძელდება”,- აღნიშნა კუპრავამ.

ცნობისთვის, ზვიად კუპრავა, ლაშა ცუცქირიძე და კიდევ ორი პირი 11 ივნისს, დილით, რუსთაველის გამზირზე ადმინისტრაციულ სამართალდარღვევათა კოდექსის 166-ე მუხლით დააკავეს, რაც წვრილმან ხულიგნობას გულისხმობს. დაკავებულებს სასამართლომ 14-დღიანი ადმინისტრაციული პატიმრობა შეუფარდა.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს