ლომჯარია: მივიღეთ დაპირება, რომ კომისიის საქმიანობა სახალახო დამცველისთვის სრულიად გამჭვირვალე იქნება

2018-06-07 19:05:44, 1003 ნახვა

კომენტარი

საქართველოს სახალხო დამცველი ნინო ლომჯარია საქართველოს პარლამენტის წევრს და სპეციალური საპარლამენტო კომისიის ხელმძღვანელს სერგი კაპანაძეს და კომისიის წევრს ელენე ხოშტარიას შეხვდა.

შეხვედრაზე არასრულწლოვანი დავით სარალიძის მკვლელობის გამოძიების მიმდინარეობა, საგამოძიებო კომისიის მუშაობის გეგმები და პრიორიტეტები, ასევე სახალხო დამცველისა და კომისიის თანამშრომლობისა და კოორდინაციის საკითხები განიხილეს.

„ჩვენ არამხოლოდ მჭიდროდ ვითანამშრომლებთ საგამოძიებო კომისიასთან, რომლისგანაც სრული გამჭვირვალობის დაპირება მივიღეთ, არამედ დავაკვირდებით და შევაფასებთ კიდეც მის მუშაობას“, – განაცხადა სახალხო დამცველმა შეხვედრის დასრულების შემდეგ და აღნიშნა, რომ ორი დამოუკიდებელი ჯგუფის მიერ საქმის პარალელურად შესწავლა მნიშვნელოვანი ფაქტორი იქნება საკითხის სიღრმისეულად განხილვისა და გამოძიების ხარვეზების დასადგენად.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები